1 Cr 29:12 - Chuj San Sebastian Bible

¹² A 'aych tzcot smasnil ricoal yet' yic tzon̈ 'ijx cha'an̈, ach tzac' mandar 'a yib'n̈ smasnil. A 'a yol a c'ab' 'ay te'nal yet' jelnal, ach tztac' alni to niwn quel'chi, tza'n qui jelnal 'a smasnil.

Chuj San Mateo Bible

¹² A ach tzac' b'eyumal yic tzon̈ ic'anchaan̈. Yajal ach d'a yib'an̈ smasanil. A d'a yol a c'ab' ay masanil ipalil. Tzac' snivanil yelc'ochi yed' poder d'a eb' b'aj a gana ac'ani.

1 Cr 29:12 ပူးပေါင်းရင်းမြစ်များ

1 Cr 29:13

Yuj cha, a ticnec, ach qui Diosal on̈, tzcal yuj diosal 'ayach, tzcaln pax qui wach' paxti 'a a b'i to wach' yochi.

2 Cr 1:12

yuj cha, tic 'oj wac' a jelnal. 'Oj wac' pax a ricoal, yet' sniwquil-l el'chi. May junc xo rey lajn 'icha ach tic 'a yic yaln̈taxi. An̈jtona', man̈x 'a pax junc xo lajn 'icha ach tic, 'a yic b'aq'uin̈, xchi Dios.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

2 Cr 32:29

Sb'on chan̈ jun tzo'n̈ aldea. Man̈x yalnb'ilc no calnelu yet' no wacx 'a 'a, yujto caw niwn sricoal xyac' Dios.

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Job 9:19

Q'uinloc cob' tzquec pural Dios yuj junc tas, palta to tztac' yuj smasnil. Toto tzcob' cawtc cot Dios qui b'o yaj 'a sat junc eb' yajal, ¿mach wal junc tzte'wtzej sb'a sb'on yaji?

Salmos 103:19

A Jehová sb'o sdespacho 'a satcha'an̈, ax ya'n Yajlil 'a yib'n̈ smasnil yolyib'n̈q'uinal.

Salmos 28:8

Ach 'aych 'och yipc sc'ojl eb' a chon̈ab', tzach colwj pax 'ayin, to sreyl in eb', to sic'b'iln 'el o'oj.

Salmos 29:1

Ex ángel 'a satcha'an̈, ¡Alc wach' paxti 'a Jehová! ¡Alc wach' paxti 'a sb'i! Yujto tztac' yuj smasnil.

Salmos 29:11

Tzyac' yip eb' schon̈ab', tzya'n syaxil yet' sjunc'ojlal 'a yib'n̈ eb'.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 8:18

Yuj jelnal, tz'och junc mach ricoal, caw wal tzb'inaxi, 'ay pax yel'chi.

Ec 5:19

Toto a Dios tz'a'n niwtjoc tas 'ay 'ayn̈ec, tzya'n pax qui tzaljc'ojlalec qui c'uxnec tas tzyac' qui munljel. A jun cha syaxilal Dios.

Is 40:29

A tz'a'n yip mach c'unb'nac, ax mach to may wal yip, caw tzwach' 'och yip si'mb'il yu'uj.

Is 43:13

A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Dn 2:20

'Ix yaln 'ixtic: Ach qui Diosal on̈, alx cab' wach' paxti 'aych 'a smasnil q'uinal, yujto ec yaj jelnal yet' poder.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

Dt 8:18

Yowlal tze na coti to a Jehová a tz'a'n eyip, tzya'n e nab'en yic tzex 'och ricoal. 'Ixta wal tzyutj ya'n 'el'choc strato sb'ojnac yet' eb' qui mam quichmec, 'icha wal tas wan yuj ticnec.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 1:11

Tzon̈ leslwi pax eyuj on̈, sec a tz'a'n e te'nal yet' spoder, yujto a spoder cha, caw niwn yel'chi. To 'ixta', 'oj techjoc smasnil tas eyu'uj. Caw te'n 'oj eyutcn̈ej e b'a, 'oj e tzaljn̈ej paxi.

Josué 4:24

'Ixta tz'aj yojcan 'el smasnil 'anma 'a yolyib'n̈q'uinl tic, chajtlto a Jehová caw 'ay spoder, yuj cha, 'ay cab' yel'ch 'a e sat 'a smasnil tiempo, xe chi 'a eb', xchi Josué cha.

Apoc 11:17

'Ix yaln eb' 'ixtic: Ach tic Dios ach, smasnil tas tztac' o'oj. 'Aych 'ec' ticnec, 'aych 'ec'n̈ej yictax pecti'. Tzcac' yuj diosal 'aych ach Cajlil on̈. Yujto xa ch'oxo, to caw niwn a poder, yic xa chan 'el yich a'n Yajlil.