1 Cr 28:5 - Chuj San Sebastian Bible

⁵ Til wal eb' wunnal 'ix yac' Jehová 'ayin, ax 'a scal smasnil eb' wunnal cha, a Salomón a 'ix si'cn 'eli, sec to a 'oj 'em wocn 'a despacho yic tzch'oxn 'el yopiso Jehová 'a yib'n̈ qui nacion̈.

Chuj San Mateo Bible

⁵ Axo ticnaic, a d'a scal jantac eb' vuninal ix yac' Jehová chi', ata' ix siq'uel vin̈ vuninal aj Salomón tic, yic tz'ochcan vin̈ reyal in q'uexuloc d'a co chon̈ab' tic.

1 Cr 28:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 1:13

'Ixc 'a win rey David, tzaln 'a win 'ixtic: Aljnac yet' 'a ti 'ayn mamin rey, chajtlto a win wune Salomón 'oj 'ochcn reyl a jeloc, a 'oj 'em wocn 'a a despacho. ¿Tas pax yuj a win Adonías 'ayx 'och reyal? xa chi 'a winac.

A Ch'an̈ B'ab'el Libro Yic Yab'ixal Eb' Rey 1:20

A ticnec ach wajlil rey, wan stan̈wni smasnil eb' quit israelal, tas xa chi, mach junc 'oj 'ochcn reyl a jeloc.

A Ch'an̈ B'ab'el Libro Yic Yab'ixal Eb' Rey 1:30

Wal 'a jun c'u tic, 'oj 'el'choc tas 'ix wal 'aych 'a yojltac Jehová qui Diosal, to a ni one Salomón 'oj 'ochcn reyl in jelc 'a in despacho, xchi.

A Ch'an̈ B'ab'el Libro Yic Yab'ixal Eb' Rey 1:35

Tzlajw cha, tzex cotx yet' na, ax sjaw wocn ni 'a in despacho tic in jelc 'a reyal, yujto tox 'ix wala to a ni tzcan reyl 'a yib'n̈ chon̈b' Israel yet' 'a Judá, xchi rey David.

A Ch'an̈ B'ab'el Libro Yic Yab'ixal Eb' Rey 2:15

—'In ojc ach tic, to a jun 'opiso yic reyal, wic xon yaji, ax smasnil eb' quit israelal tan̈b'il yuj eb', b'a'n̈ tzin 'och reyal. Ax ticnec, a ni wu'tac 'ix 'och reyal, yujto a Jehová a 'ixta 'ix 'utni.

A Ch'an̈ B'ab'el Libro Yic Yab'ixal Eb' Rey 8:20

A ticnec jun, 'ix yac' 'el'choc Jehová tas yaljnac can yet' sti'. An in 'ochx can sjelc in mam, in 'ochcn e reyloc, yuj cha, xin b'on jun yatut Jehová qui Diosalec, sec a 'a tic tz'och 'emmquilal 'a 'a.

1 Cr 17:14

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi Dios, xa chi 'a 'a, xchi Dios 'a win Natán.

1 Cr 23:1

A yic caw 'ichm winc xo sq'uinlan David, 'ix ya'n can 'och yopiso yunnal, atn Salomón, xya'n can 'och reyl 'a yib'n̈ chon̈b' Israel.

1 Cr 29:1

Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

1 Cr 29:23

'Ixtnta 'ix 'aj yochcn Salomón reyl 'a sdespacho Jehová sjelc David, atn smam. Caw wach' 'ix 'el'ch yet' yopiso cha, 'ix syiclj smasnil eb' israel 'a 'a.

1 Cr 29:28

Caw 'ichm winc xo sq'uinlani, 'ix cham 'a tzaljc'ojlal, caw rico si'mb'il, niwn pax yel'chi. Ax Salomón, atn yunnal, a x'ochcn reyl sjeloc.

2 Cr 9:8

Alx cab' wach' paxti 'a Jehová a Diosal to caw tzalj et'oc, yuj cha, ach ya'n 'och reyl sjeloc. Yuj schamc'ojlal 'a chon̈b' Israel tic, yic tzb'inax sb'i 'a smasnil tiempo, yuj cha, ach ya'n 'och reyal, sec wach' tzac' reyl 'a swach'il yet' 'a stojlal, xchi 'ix.

Dt 17:15

A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.