1 Cr 28:4 - Chuj San Sebastian Bible

⁴ A Jehová qui Diosalec an̈ israel on̈c tic, a in si'n 'eli yic tzin 'och reyl 'a chon̈b' tic 'a jun 'ejmn̈ej. Yujto a 'ix si'n 'el yin̈tl Judá, yic tzya'n yajlil 'a yib'n̈ smasnil quin̈tlec. A 'a scal yin̈tl Judá, a yin̈tl in mam 'ix si'cn 'eli, an xo in si'cn 'el 'a scal eb' wu'tac yic tzin 'och reyal.

Chuj San Mateo Bible

⁴ Palta a Jehová co Diosal chi' ix in sic'ancaneli yic tzin och reyal d'a co chon̈ab' tic d'a juneln̈ej, yujto a' ix sic'anel yin̈tilal Judá, yic syac'an yajalil d'a masanil quin̈tilal. Axo d'a yin̈tilal Judá chi', a yin̈tilal vin̈ in mam ix sic'caneli, axo pax d'a yin̈tilal vin̈ in mam chi', a in ix in siq'uel d'a scal eb' vuc'tac yic tzin och reyal d'a co chon̈ab' tic.

1 Cr 28:4 ပူးပေါင်းရင်းမြစ်များ

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

1 Cr 17:23

Ax ticnec Mamin Jehová, a 'a paxti 'ix alcn wuj an a checb' in tic, yet' pax yuj win̈tl b'aq'uin̈, te'n cab' yaj 'a smasnil tiempo, b'o cab' 'icha xotj aln tic.

1 Cr 17:27

Ax ticnec, 'ix 'el 'a a c'ojl a'n a yaxilal 'a yib'n̈ eb' win̈til, sec wach' 'ayc'n̈ej eb' 'a ojltac. Ach tic Mamin Jehová 'oj ac' a yaxilal 'a eb', sec wach' 'oj scha eb' yaxilal 'a smasnil tiempo, xchi rey David.

2 Cr 6:6

palta a ticnec, xin si'l chon̈b' Jerusalén, sec wach' ata tzb'inax in b'i. Ach in si'n pax 'eli sec wach' ach 'oj ac' reyl 'a yib'n̈ in chon̈b' tic, xchi Dios 'a in mam.

Salmos 108:8

A Galaad yet' Manasés an 'ay wico', a Efraín 'icha to in q'uen xumpiln yaji, ax Judá lajn yet' jun in c'occh yic wopiso.

Salmos 18:19

In a colcn 'elta, in a'n can 'a jun lugar caw lewan 'a 'aj may tzin 'i'ni, yujto tzin a chamc'ojlej.

Salmos 60:7

A Galaad yet' Manasés an 'ay wico'; a Efraín 'icha to in q'uen xumpiln yaji, ax Judá lajn yet' jun in c'occh yic wopiso.

Salmos 89:4

A eb' en̈tl b'aq'uin̈, an̈j eb' 'oj wa'ch reyl a jelc 'a smasnil tiempo, xa chi 'a 'a.

A Ch'an̈ Carta D'a Eb' Hebreo 7:14

Cojquec, chajtlto a Cajlilec, yin̈tl can Judá. Ax Moisés, may tas yaljnac, toto 'ay junc eb' yin̈tl Judá chi tztac' yoch ya'malc 'och qui tic 'a Dios.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Ch'an̈ B'ab'el Libro Samuel 26:1

A eb' cajn 'a Zif, 'ix 'at eb' sc'umc Saúl 'a Gabaa, 'ix yaln eb' 'ixtc 'a 'a: A win David ata 'ayc' win sc'ub'c 'el sb'a 'a jolmctac witz yic Haquila, 'a stojlal 'aj tzq'uel c'u 'a yojltac chon̈b' Jesimón, xchi eb'.