1 Cr 28:2 - Chuj San Sebastian Bible

² Xlajw cha, 'ix q'ue lin̈n rey David, 'ix yaln 'ixtic: 'Ab'c e masnil ex wit chon̈ab': 'Aych wal 'a in c'ojl in b'on chan̈ yatutal 'aj 'oj 'aj te scaxail strato Jehová, sec ata tzcan te 'a jun 'ejmn̈ej, sec wach' ata 'oj 'aj qui Diosal. Tox 'ix syam sb'a smasnil syamc'ab'il 'oj c'anxoc 'a 'a.

Chuj San Mateo Bible

² Ix lajvi chi' ix q'ue lin̈an vin̈, ix yalan vin̈ icha tic: Ab'ec e masanil ex vetchon̈ab'. Ay val och d'a in pensar in b'oanq'ue junoc templo b'aj scan te' scaxail strato Jehová d'a juneln̈ej, yic vach' ata' scajnaj co Diosal chi'. Toxo ix in molb'ej masanil tastac ol c'anchaj d'ay.

1 Cr 28:2 ပူးပေါင်းရင်းမြစ်များ

Gn 48:2

A yic 'ix alx yab' Jacob chajtlto tox xc'och José 'at yila', yuj cha 'ix yac' to wal yip sq'ue wan wocn 'a sat sch'at.

A Ch'an̈ B'ab'el Libro Yic Yab'ixal Eb' Rey 1:47

ax eb' 'aych 'a yopiso yet' win rey David, xit' yac' eb' stzatzl sc'ojl David cha, yujto tzaljc'ojlal x'och Salomón reyal. 'Ix yaln eb' 'a win 'ixtic: Niwquil cab' 'oj 'aj 'el'ch yopiso ni Salomón yuj Dios 'a yib'n̈ opiso mamin rey, b'inaxc cab' yet' yopiso 'a jun nacion̈ tic, xchi eb'. Ax pax rey David 'ix 'em n̈ojn yaln sb'a 'a Dios 'a sat sch'at,

A Ch'an̈ B'ab'el Libro Yic Yab'ixal Eb' Rey 5:3

Ach tic caw ojtac to a 'in mam, ma'ix stac' sb'on chan̈ junc yatut Jehová qui sDiosal on̈, yujto niwn tiempo cojn owl 'ix yila, masnto 'ix ya'ch Jehová eb' 'ajc'ojl a yol sc'ab'.

1 Cr 17:4

'Ixic, 'at al 'a in checb' David, to an Jehová in, an tzwal 'ixtc 'a 'a: Man̈oc ach 'oj a b'o chan̈ junc watut 'aj 'oj in can cajan.

1 Cr 22:14

'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

1 Cr 22:6

Xlajw cha, 'ix yawtn cot David win Salomón, 'ix ya'n can 'ab'enal sb'omb'il yatut Jehová qui Diosal 'a 'a.

1 Cr 22:7

'Ix yaln 'ixtc 'a 'a: Ach wunnal, caw 'ayc' 'a in nab'en in b'on chan̈ junc yatut Jehová qui Diosal.

1 Cr 6:31

Atn jun tzo'n̈ eb' tic 'aych 'a yib'n̈ sb'itn 'a yatut Jehová, yictax 'ix 'ajx 'och te scaxail trato ta'.

2 Cr 6:7

Ax in mam, caw wal snib'j sc'ojl sb'o chan̈ junc yatut Dios, yuj yi'n chan̈ Jehová qui Diosalec an̈ israel on̈c tic.

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

Salmos 132:14

Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Is 60:13

A smasnil tas wach' 'ay 'a lum Líbano, 'oj 'ijxoc coti, ax wul scan 'ayex: Atn te taj, te c'u'taj yet' te q'uisis. 'Oj 'och eb' te yelwnub'loc watut sec wach' yilxi, caw niwn yel'ch wet'l chi 'aj tzin 'aji.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Lm 2:1

Caw wal niwn yowl sc'ojl Cajlilec 'a yib'n̈ Sión, caw wal wach' yilx cob' jun chon̈b' cha, palta caw 'ix q'uic'b' 'eli. A swach'l yilx chon̈b' Israel, may junc xo lajn swach'l yilx yet'oc, ax Cajlilec 'ix 'a'n lajwc swach'l yilx cha. Man̈x 'ic sna cot yuj yowl sc'ojl cha, toto 'icha sb'achnub' yoc yaji.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.

A Tas Sc'ulejnac Eb' Schecab' Jesús Hechos 7:49

A satcha'an̈, a chi in despacho yaji. Ax lum lu'um, 'icha to sb'achnub'al woc yaji. Ax xo tic, ¿tast wal 'oj eyutc e b'on junc watut 'aj tzin 'ilji?

Dt 17:15

A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.

Dt 17:20

sec ma'oj sna', to yel niwn yel'ch 'a yib'n̈ eb' yit chon̈ab', ma'oj yi'l pax snab'en 'a jun tzo'n̈ checnb'il tic. Toto 'ixta 'oj yutoc, najtl 'oj yac' yajlil 'a yib'n̈ eb' quit chon̈b'ec, xchi Moisés.