1 Cr 28:12 - Chuj San Sebastian Bible

¹² An̈jtona', 'ix ya'n pax yechl smasnil tas ya'jnac Espíritu nachjoc 'el yu'uj, atn tas 'oj 'aj sb'o yamq'uil, yet' jun tzo'n̈ cuarto 'oj 'och 'a spatquil, yet' jun tzo'n̈ cuarto 'aj 'oj molxoc ofrenda yet' jun tzo'n̈ tz'ajx siylab'il 'a Dios.

Chuj San Mateo Bible

¹² Ix yac'anpax yumal masanil tas nab'ilxo yuj vin̈, aton tas ol aj sb'o yamaq'uil templo chi' yed' juntzan̈ cuarto ol och d'a spatictac b'aj ol sic'chaj masanil syamc'ab'il yed' juntzan̈ tas tz'ac'ji silab'il d'a Dios.

1 Cr 28:12 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 14:26

'Ix yi'n 'ec' win smasnil ricoal 'ay 'a yol yatut Jehová, yet' smasnil ricoal 'ay 'a yol yatut win rey, yet' pax smasnil jun tzo'n̈ q'uen tzmacn sat jul-lab' to nab'a oro b'ob'il can yuj Salomón.

A Ch'an̈ B'ab'el Libro Yic Yab'ixal Eb' Rey 15:15

'Ix ya'n 'och win q'uen oro, q'uen plata yet' jun tzo'n̈ xo yamc'ab' 'a yol yatut Jehová, atn jun tzo'n̈ smol 'a'j win yet' smam cha.

A Ch'an̈ B'ab'el Libro Yic Yab'ixal Eb' Rey 15:18

Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:

A Ch'an̈ B'ab'el Libro Yic Yab'ixal Eb' Rey 7:51

A yic xlajw sb'o smasnil munljel 'ix yac' rey Salomón b'o 'a yatut Jehová, 'ix ya'n 'ijxoc 'at smasnil jun tzo'n̈ yamc'ab' to nab'a oro, yet' plata ya'jnac can David 'a Jehová, 'ix 'at ya'nc 'ajxoc can 'a yet'l 'aj tzmolx 'a yatut Jehová.

A Ch'an̈ Schab'il Libro Yic Yab'ixal Eb' Rey 16:8

Yuj cha, 'ix yij 'elt Acaz q'uen plata, q'uen oro 'ay 'a yatut Jehová, yet' q'uen 'ay 'a sdespacho, 'ix siyn 'at 'a sreyl chon̈b' Asiria.

A Ch'an̈ Schab'il Libro Yic Yab'ixal Eb' Rey 18:15

Yuj cha, 'ix yac' Ezequías q'uen plata 'ayc' 'a yatut Jehová, yet' jantc sricoal 'ay 'a yol sdespacho.

1 Cr 26:20

'Ay pax jun tzo'n̈ xo eb' yit levitail eb' 'aych 'a yib'n̈ yiln 'aj tzmolx tas 'a yatut Dios, yet' pax yet'l 'aj 'ay ofrenda to yic Jehová yaji.

1 Cr 28:11

Xlajw cha, 'ix ya'n David yechl yatut Dios 'a Salomón, yuj tas 'oj 'aj sb'o'i, a 'aj tzyal yuj scoredoral yet' jun tzo'n̈ xo n̈a 'aj tzmolx yamc'ab', yet' jun tzo'n̈ cuarto 'ay 'a cha'an̈, yet' 'a yalan̈, yet' pax jun lugar cojxn Dios 'ay yico'.

1 Cr 28:19

Yuj cha, xyaln pax David 'ixtc 'a Salomón: Smasnil jun tzo'n̈ tic, tz'ib'b'il cani, caw a Jehová 'ix 'a'n nachjc 'el wu'uj, ata tzyal yuj tas tz'aj sb'o smasnil munljel cha, 'icha yaj 'a yechel.

Ex 25:40

Tzcham wal eln tas tz'aj sb'o'i, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a'n b'o'oc, xchi Dios 'a Moisés.

Ex 31:2

'Ilto, a 'a scal eb' yin̈tl Judá, ata xin sic' 'elt win Bezaleel, win yunnal Uri yixchicn can Hur.

Jeremías 35:2

'Ixc 'a 'aj 'ayc' eb' yin̈tl can win Recab, tzlajw cha, tzach paxtin yet' eb'. Tze'n 'at eb' 'a junc cuarto 'ay 'a watut, tza'n yal uva 'a eb', xchi 'ayin.

Ez 40:38

A 'a yojl 'och sti junjn puerta cha, ata 'ay junjn cuarto 'a sti corredor, ata tzb'icx 'el no noc' tz'ajx xajmb'alil.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.