1 Cr 28:1 - Chuj San Sebastian Bible

¹ 'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

Chuj San Mateo Bible

¹ A d'a Jerusalén ix smolb'ej masanil eb' yajal yaj d'a chon̈ab' Israel vin̈aj rey David: Aton eb' yajal yaj d'a junjun in̈tilal, eb' yajal yaj d'a junjun macan̈ eb' soldado tz'ilan vin̈ rey chi' yed' eb' sat yajal yaj d'a junjun nivac n̈ilan̈ eb' soldado. Ix smolb'ejpax eb' yajal yaj d'a eb' tz'ilan tastac ay d'a vin̈ rey chi', aton masanil lum luum yed' masanil noc' noc', eb' tz'ilan eb' vin̈ yuninal vin̈, eb' ayoch d'a yopisio yed' vin̈ yed' masanil eb' soldado te tec'an yed' juntzan̈xo eb' vin̈ nivan yelc'ochi.

1 Cr 28:1 ပူးပေါင်းရင်းမြစ်များ

1 Cr 22:17

Xlajw cha, 'ix yaln David 'a smasnil eb' yichm wincal chon̈ab', to tzcolwj eb' yet' Salomón, 'ix yaln 'a eb' 'ixtic:

1 Cr 23:2

'Ix ya'n syam sb'a smasnil eb' yichm wincal chon̈ab', yet' eb' ya'mal 'och sti eb' 'anma 'a Dios yet' pax eb' levita.

1 Cr 29:1

Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

1 Cr 29:6

Xlajw cha, ax eb' yajl yaj 'a scal eb' yican, yet' eb' yajl yaj 'a junjn 'in̈tal eb' yit israelal, yet' eb' yajl yaj 'a junjn mil soldado, mto 'a junjn ciente soldado, yet' smasnil eb' yajl yaj 'a smasnil munljel tzb'o yuj win rey, 'ix 'el wal 'a sc'ojl eb' ya'n scolwal.

2 Cr 1:2

Xlajw cha, 'ix yawtn Salomón smasnil eb' yit israelal: atn eb' syajlil eb' soldado, eb' juez, smasnil eb' yichm wincal chon̈ab', yet' eb' yajl yaj 'a scal eb' yican, atn eb' niwn yel'ch yopiso 'a chon̈b' Israel.

Josué 23:2

xya'n 'awtxoc cot smasnil eb' yit israelal, eb' yichmtac wincal chon̈ab', eb' juez, yet' pax eb' yajl smasnil, xyaln 'a eb' 'ixtic: An tic caw 'ichm inx winac, 'ayx pax in q'uinal.

Josué 24:1

Xlajw cha, xya'n Josué syam sb'a smasnil eb' yit israelal 'a lum Siquem, xyawtn cot eb' yichmtac wincal chon̈ab', eb' yajl yaj 'a scal eb' chon̈ab' yet' pax eb' juez, 'ix c'och eb' 'a yojltac Dios.