1 Cr 27:30 - Chuj San Sebastian Bible

³⁰ A mach tz'iln no cameyo, atn Obil, win ismaelita. Ax mach tz'iln no axna, atn Jehedías, 'aj Meronot.

Chuj San Mateo Bible

³⁰ Axo vin̈aj Obil ismaelita tz'ilan eb' ayoch yil noc' camello. Axo vin̈aj Jehedías aj Meronot tz'ilan eb' ayoch yil noc' b'uru.

1 Cr 27:30 ပူးပေါင်းရင်းမြစ်များ

Gn 47:6

a lum slum Egipto tic, 'ayc' lum 'a yol a c'ab'. Tztac' a'n lum Gosén 'a a mam yet' 'a ewin o'tac tic. A wal lum lum caw wach' 'a yol yic Egipto tic, a cab' lum 'aj tzcan cajn ewinac. Toto 'ay eb' o'tac caw jeln 'a 'ilj noc' jun, tztac' a'n 'och ewin yilmalc no in cajb'en noc', xchi win rey cha.

1 Cr 27:29

A mach tz'iln no wacx 'a lum Sarón, atn Sitrai, 'aj Sarón cha. Ax mach tz'iln no wacx 'ay 'a lum pan̈n 'a'lic, atn Safat, yunnal Adlai.

1 Cr 27:31

Ax mach tz'iln no calnelu, atn Jaziz, win agareno. A smasnil jun tzo'n̈ eb' tic, atn eb' tz'iln smasnil tas 'ay 'a win rey David.

Nehemías 3:7

'A stz'ey yic eb' cha, ata sb'o pax eb' tic yico', atn Melatías 'aj Gabaón yet' Jadón 'aj Meronot, yet' pax eb' 'anma 'aj Gabaón yet' eb' 'aj Mizpa, atn eb' 'aych can 'a yaln̈ schecnb'il win 'aych gobernadoral 'a yib'n̈ jun tzo'n̈ chon̈b' 'ay 'a sc'axpil 'e't a Éufrates.