1 Cr 27:25 - Chuj San Sebastian Bible

²⁵ A Azmávet, yunnal Adiel, a molm tumn yaj 'a win rey, ax Jonatán, yunnal Uzías, a 'ajcuenta yiln jantcn̈ej tas molb'il 'a sat lum lum tz'awxi, yet' 'a jun tzo'n̈ xo chon̈ab', yet' 'a yaldeail yet' pax jun tzo'n̈ cuartel 'ay 'a sti mon̈jon.

Chuj San Mateo Bible

²⁵ A vin̈aj Azmavet yuninal vin̈aj Adiel tz'ilan tastac ay d'a vin̈ rey. Axo vin̈aj Jonatán yuninal vin̈aj Uzías tz'ilani jantac tas molan d'a junjun chon̈ab', d'a junjun aldea yed' d'a junjun cuartel ay d'a sattac mojon.

1 Cr 27:25 ပူးပေါင်းရင်းမြစ်များ

Gn 41:48

A smasnil 'ixm trigo xyac' sobra 'a uque ab'il cha, xmolx can 'ixm 'a yol smacb'en junjn chon̈b' yuj José.

A Ch'an̈ Schab'il Libro Yic Yab'ixal Eb' Rey 18:15

Yuj cha, 'ix yac' Ezequías q'uen plata 'ayc' 'a yatut Jehová, yet' jantc sricoal 'ay 'a yol sdespacho.

1 Cr 27:24

A Joab yune 'ix Sarvia, 'ix chaj 'el yich yi'n chan̈ sb'isl eb', palta ma'ix lajw yi'n cha'an̈, yujto 'ix yij cot jun sb'isl eb' chi jun niwquil yailal 'a yib'n̈ chon̈b' Israel. Yuj cha, man̈ tz'ib'b'ilc sb'isl eb' 'a ch'an̈ libro yic yab'xil rey David.

1 Cr 27:26

Ax pax mach tz'iln eb' tzmunlj 'a sat lum lu'um, atn Ezri, yunnal Quelub.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

1 Cr 29:6

Xlajw cha, ax eb' yajl yaj 'a scal eb' yican, yet' eb' yajl yaj 'a junjn 'in̈tal eb' yit israelal, yet' eb' yajl yaj 'a junjn mil soldado, mto 'a junjn ciente soldado, yet' smasnil eb' yajl yaj 'a smasnil munljel tzb'o yuj win rey, 'ix 'el wal 'a sc'ojl eb' ya'n scolwal.

2 Cr 16:2

Yuj cha, 'ix yi'n 'elt Asa q'uen plata yet' q'uen oro 'ay 'a yatut Jehová, yet' pax q'uen molb'il 'a sdespacho win rey cha. Xlajw cha, xya'n 'at 'a win Ben-hadad sreyl Siria cajn 'a Damasco, 'ix ya'n win alxoc 'a win 'ixtic:

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

Ex 1:11

Yuj cha, 'ix 'ajx 'och yilmal eb', x'ajx 'och eb' 'a munljel caw ya. 'Ix 'ajx sb'o eb' chab' niwc chon̈ab', atn Pitón yet' Ramesés. A 'a chab' chon̈b' cha, ata tzyac' win rey molxoc 'ixm trigo.

Jeremías 41:8

Palta 'ay lajn̈wan̈ eb' 'a scal eb' wan smilx cham chi 'ix aln 'ixtc 'a Ismael: —Man̈ on̈ a mil cham on̈. An̈ tic on̈ 'ay qui trigo, qui cebada, qui aceite. 'Ay pax no yalchab' 'ayn̈ on̈. A jun tzo'n̈ cha, c'ub'b'il 'el cuj 'a spatquil 'el qui chon̈b' on̈, xchi eb'. Yuj cha, ma'ix milx cham eb' yuj Ismael yet' pax yuj eb' ajun yet' cha.