1 Cr 27:1 - Chuj San Sebastian Bible

¹ A jun tic, slistail eb' sat yajl yaj 'a yib'n̈ eb' yican. Yajl yaj eb' 'a yib'n̈ eb' syajlil mil soldado, 'a yib'n̈ eb' syajlil jun ciente soldado, atn eb' ya'mal servil win rey, yic tzyiln eb' junjn macn̈ eb' soldado tz'och yilmalc win rey 'a junjn 'uj. Macquiltac yoch eb' 'a yol junjn ab'il. A 'a junjn macan̈ 'ay 24 mil winac.

Chuj San Mateo Bible

¹ Junjun ujal tz'och 24 mil eb' vin̈ vinac d'a soldadoal. A d'a scal eb' vin̈ ay eb' vin̈ yajal yaj d'a scal yin̈tilal, ay eb' vin̈ nivac yajalil eb' soldado yed' eb' vin̈ yajalil eb' tz'ilan tastac yic vin̈ rey. Aton sb'i eb' vin̈ ayoch yajalil tic, d'a stzolal tz'aj yoch eb' vin̈ d'a junjun uj.

1 Cr 27:1 ပူးပေါင်းရင်းမြစ်များ

A Ch'an̈ Schab'l Libro Samuel 23:8

Atn jun tzo'n̈ winc tic caw jeln 'a scal eb' soldado David: win Is-boset 'aj Hacmón, atn wal sat yaj 'a scal 'oxwn̈ xo eb' capitan̈ caw jelan. A 'a jun 'el, 'ix smil cham wajxque ciente winc yet' slanza.

A Ch'an̈ B'ab'el Libro Yic Yab'ixal Eb' Rey 4:27

Ax eb' gobernador tz'i'n cot tas tzc'ux win rey Salomón, yet' smasnil eb' 'aych 'a smexa winac, junjn eb' gobernador tzyij cot yic 'a junjn 'uj, 'ixta tzyutj eb', sec wach' may tas tzyac' palta.

A Ch'an̈ B'ab'el Libro Yic Yab'ixal Eb' Rey 4:7

A Salomón cha, 'ay lajchwan̈ eb' sgobernador tz'a'n servil 'a yol smacb'en chon̈b' Israel. A yopiso jun tzo'n̈ eb' cha, junjn eb' tzyij cot eb' tas tzc'ux win rey yet' yunnal 'a yatut, junjn 'uj 'a yol ab'il.

A Ch'an̈ B'ab'el Libro Yic Yab'ixal Eb' Rey 5:14

lajn̈e mil eb' xchecx 'at munljoc 'a lum Líbano 'a junjn 'uj, jun 'uj tzxit'c eb' munljoc ta', chab' 'uj tzcan eb' 'a yatut. Ax Adoniram 'ajcuenta yiln eb' tzmunlj cha.

1 Cr 11:10

Atn jun tzo'n̈ eb' soldado David niwn yel'ch tic, to 'ix 'och eb' yet' eb' yit israelal yic xya'n 'och eb' David reyl 'a yib'n̈ smacb'en chon̈b' Israel, 'ix yiptzan pax eb' 'a sreyal, 'icha wal 'ix yutj Jehová yalni.

1 Cr 13:1

Xlajw cha, 'ix paxtin David yet' eb' capitan̈ 'aych comandanteil 'a yib'n̈ junjn mil soldado, eb' 'aych capitan̈il 'a yib'n̈ junjn ciente soldado, yet' smasnil eb' yajl yaji.

1 Cr 26:32

A sb'isl eb' caw jeln cha, 2,700 eb' 'a smasnil, yajl yaj eb' 'a yib'n̈ eb' yin̈til. 'Ix 'ajx 'och 'a yib'n̈ eb' yuj rey David, to a eb' tz'iln eb' yin̈tl Rubén, eb' yin̈tl Gad yet' spacl eb' yin̈tl Manasés. A yopiso eb', to a eb' tz'iln smasnil tas to yic Dios yaji, yet' pax tas to yic win rey.

1 Cr 27:2

A syajlil eb' tz'och 'a yopiso 'a b'ab'l 'uj: atn Jasobeam, yunnal Zabdiel, yin̈tl Fares.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

1 Cr 29:6

Xlajw cha, ax eb' yajl yaj 'a scal eb' yican, yet' eb' yajl yaj 'a junjn 'in̈tal eb' yit israelal, yet' eb' yajl yaj 'a junjn mil soldado, mto 'a junjn ciente soldado, yet' smasnil eb' yajl yaj 'a smasnil munljel tzb'o yuj win rey, 'ix 'el wal 'a sc'ojl eb' ya'n scolwal.

2 Cr 1:2

Xlajw cha, 'ix yawtn Salomón smasnil eb' yit israelal: atn eb' syajlil eb' soldado, eb' juez, smasnil eb' yichm wincal chon̈ab', yet' eb' yajl yaj 'a scal eb' yican, atn eb' niwn yel'ch yopiso 'a chon̈b' Israel.

Ex 18:25

Yuj cha, si'n 'elt Moisés ewin caw 'ay snab'en, ewin jeln 'a scal eb' yit israelal. 'Ix ya'n 'och yopiso ewin yil junjn mil 'anma', 'ay eb' 'a jun ciente, 'ay eb' 'a cincuenta, 'ay pax eb' 'a lajn̈wa'an̈.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Dt 1:15

Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,

A Ch'an̈ B'ab'el Libro Samuel 8:12

'Ay eb' 'oj ya'ch win syajlilc junc mil soldado, 'ay eb' 'oj ya'ch win syajlilc junc 50. 'Ay eb' 'oj 'och sb'o smunljel winac, 'oj st'oc eb' slum winac, ax laj smoln chan̈ eb' tas tz'el 'a smunljel win cha. 'Ay eb' 'oj 'och sb'o syamc'ab' win yic owal, 'ay pax eb' 'oj b'onc scaruaje win tzc'ana yic tz'at 'a owl cha.