1 Cr 26:4 - Chuj San Sebastian Bible

^4-5 'Ix yac' Dios syaxilal 'a yib'n̈ Obed-edom, yuj cha, caw niwn yunnal. Atn eb' yunnal tic 'a stzolil: Semaías, Jozabad, Joa, Sacar, Natanael, Amiel, Isacar, yet' Peultai.

Chuj San Mateo Bible

^4-5 Ix yac' svach'c'olal Dios d'a yib'an̈ vin̈aj Obed-edom, yuj chi' tzijtum yuninal vin̈. Aton stzolal sb'i eb' vin̈ tic: Vin̈aj Semaías, vin̈aj Jozabad, vin̈aj Joa, vin̈aj Sacar, vin̈aj Natanael, vin̈aj Amiel, vin̈aj Isacar yed' vin̈aj Peultai.

1 Cr 26:4 ပူးပေါင်းရင်းမြစ်များ

A Ch'an̈ Schab'l Libro Samuel 6:10

Yujto man̈x 'ic snib'j David xyij cot te scaxail strato Jehová chi 'a yol chon̈ab', yuj cha, xya'n David 'ijxoc can 'at te 'a yatut Obed-edom, win 'aj Gat.

A Ch'an̈ Schab'l Libro Samuel 6:11

'Oxe 'uj xcan te 'a yatut winac, ax Jehová, a x'a'n syaxilal 'a yib'n̈ win Obed-edom cha, yet' 'a yib'n̈ smasnil eb' cajn 'a yol yatut winac.

A Ch'an̈ Schab'l Libro Samuel 6:12

Ax yic 'ix alx yab' rey David chajtlto yujn̈ej wal te scaxail strato Dios cha, yuj cha, tzya'n Jehová syaxilal 'a yib'n̈ Obed-edom yet' 'a yib'n̈ smasnil tas 'ay 'a 'a, yuj cha, x'at yi'nc pax David chi te caxa chi 'a yatut win Obed-edom cha. Yet' wal tzaljc'ojlal xyi'n cot David chi te 'a yol schon̈ab'.

1 Cr 13:14

A te scaxa Dios cha, 'ix can te 'oxe 'ujl 'a yatut win Obed-edom. Caw 'ix yac' Jehová yaxilal 'a yib'n̈ win yet' eb' cajn 'a yol yatut, yet' 'a yib'n̈ smasnil tastc 'ay 'a 'a.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

1 Cr 16:38

'Ix can pax Obed-edom yet' 68 eb' ajun yet'oc yic tzcolwj eb' yet' eb'. A pax Obed-edom yunnal Jedutún, yet' Hosa, a eb' xcan stan̈wn̈c spuertail mantiado cha.

1 Cr 16:5

A Asaf a yajl yaj 'a eb' tzb'itn cha, ax win schab'il atn Zacarías. Tza'n sjaw Jeiel, Semiramot, Jehiel, Matatías, Eliab, Benanías, Obed-edom yet' Jeiel. Atn eb' chi 'ay syamc'ab', atn salterio yet' arpa, palta ax Asaf, a tzyucn q'uen platillo.