1 Cr 26:26 - Chuj San Sebastian Bible

²⁶ A Selomit yet' eb' yu'tac, a eb' 'aych 'a yib'n̈ yiln smasnil tas to 'ac'b'il 'a Jehová yuj rey David, yet' tas ya'jnac eb' yajl yaj 'a yib'n̈ junjn macn̈ eb' yin̈tl eb', yet' eb' capitan̈ yaj 'a yib'n̈ mil soldado yet' 'a yib'n̈ jun ciente soldado, yet' pax eb' niwc yajl yaj 'a eb' soldado cha.

Chuj San Mateo Bible

²⁶ A vin̈aj Selomit yed' eb' sc'ab'yoc stan̈van tastac ac'b'il yicoc Jehová yuj vin̈aj rey David yed' eb' yajal yaj d'a scal junjun macan̈ yin̈tilal yed' eb' nivac yajalil eb' soldado.

1 Cr 26:26 ပူးပေါင်းရင်းမြစ်များ

A Ch'an̈ Schab'l Libro Samuel 8:11

A smasnil q'uen schaj David 'a winac, 'ix yac' 'a Jehová, yet' pax q'uen x'e'cn 'a yic x'och owl yet' Hadad-ezer win yunnal Rehob sreyl Soba, 'icha ya'jnac yet' jun tzo'n̈ tas yijnac 'ec' 'a jun tzo'n̈ xo nacion̈ 'aj 'ix yac' ganar owal: Atn 'a Edom, 'a Moab, 'a Amón, 'a eb' filisteo, yet' 'a eb' amalecita.

1 Cr 18:11

'Ix yac' rey David smasnil jun tzo'n̈ q'uen yamc'ab' chi 'a Jehová. Junn̈j 'ix yutj ya'n yet' q'uen plata yet' q'uen oro, atn q'uen xit' yijc' 'a jun tzo'n̈ eb' chon̈b' tic: atn 'a eb' edomita, 'a eb' moabita, 'a eb' amonita, 'a eb' filisteo yet' 'a eb' amalecita.

1 Cr 22:14

'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

1 Cr 26:25

A Sebuel tic yican sb'a yet' Selomit, yujto a smam yichm Selomit cha, atn Eliezer yu'tac Gersón. A eb' smam yichm Selomit 'a stzolil, atn Eliezer, Rehabías, Isaías, Joram yet' Zicri.

1 Cr 26:27

A jun tzo'n̈ tas 'at yijnac 'ec' eb' 'a owal, a 'ix yac' eb' yic tzc'anlb'ax 'a yatut Jehová.

1 Cr 28:21

A ticnec, a eb' ya'mal 'och sti eb' 'anma 'a Dios yet' eb' levita, junjn macn̈ eb', caw wal tzya'ch eb' 'a sc'ojl smunlj 'a smasnil munljel tic. An̈jtona', yet' smasnil eb' mun tz'el 'a sc'ojl smunlji, eb' jeln snab'en smunlj 'a tzann̈j munljelal, eb' yajl yaji, yet' pax smasnil eb' chon̈ab', caw 'oj syiclc eb' smasnil a checnb'il, xchi rey David 'a Salomón.

1 Cr 9:14

Ax eb' yajl yaj 'a yib'n̈ eb' levita: atn Semaías, yunnal Hasub, yixchicn Azricam, schab'l 'ichicn Hasabías yin̈tl Merari eb';

2 Cr 23:8

A eb' levita yet' smasnil eb' 'anma 'aj Judá, 'ix syiclj eb' sb'on smasnil tas 'ix yal Joiada. Junjn eb' yajl cha, 'ayc' eb' yet' eb' 'aych 'a yol sc'ab', eb' tz'och yil yopiso 'a sc'ul 'iljelal yet' eb' tz'eli. Yujto ma'ix chax 'el eb' yuj Joiada cha, yic tzlajw yiln eb' yopiso 'a stzolil.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

Nehemías 12:45

'Ix syiclj eb' ya'n servil Dios, syiclj pax eb' ya'n jun tzo'n̈ xajmb'al. An̈jtona', 'ixta pax eb' tzb'itni yet' eb' tan̈m puerta, yowlal tzyiclj eb' tas alb'il can yuj rey David yet' Salomón, atn yunnal.