1 Cr 24:2 - Chuj San Sebastian Bible

² Palta ax Nadab yet' Abiú, b'ab'l chamnc eb' 'a smam, mant 'a yunnal eb' scham eb', yuj cha, cojxn Eleazar yet' Itamar x'och ya'malc 'och sti eb' 'anma 'a Dios.

Chuj San Mateo Bible

² A vin̈aj Nadab yed' vin̈aj Abiú chi', b'ab'laj chamnac eb' vin̈ d'a yichan̈ vin̈ smam chi'. Mantalaj yuninal eb' vin̈ schamnac eb' vin̈ chi', yuj chi' an̈ej vin̈aj Eleazar yed' vin̈aj Itamar ix och sacerdoteal.

1 Cr 24:2 ပူးပေါင်းရင်းမြစ်များ

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Lv 10:12

Xlajw cha, xyaln Moisés 'ixtc 'a Aarón, 'a Eleazar yet' pax 'a Itamar, cha: —'Ijec cot 'ixm harina xcan 'a 'ixm ofrenda stz'a 'a yojltac Jehová, tze b'on 'ixm pan may yich, tze wan 'a stz'ey yet'l xajmb'al, yujto a jun cha, yic Jehová yaji.

Lv 10:2

Yuj cha, x'elt c'ac' 'a yojltac Jehová, 'ix tz'a eb' yu'uj, 'ixta x'aj eb' scham 'a yojltac.

Nm 18:7

Palta ach tic yet' eb' onnal, cojn ex tztac' eya'n 'och sti eb' 'anma 'ayin, yic tze b'on junc munljel 'a 'aj 'ay yet'l xajmb'al, mto 'a yojltac 'och te cortina. A jun munljel cha, eyic yaji, yujto an 'ix wac' jun 'opiso tic 'ayex. Toto 'ay junc comn 'anma tzcob' ya'ch sb'a 'a jun munljel tic, tojln̈ej schami, xchi Dios.

Nm 26:61

A Nadab yet' Abiú, atn eb' 'ix chami yic ya'n 'och eb' jun c'ac' man̈ wach'c 'a yojltac Jehová.

Nm 3:2

Eb' yic Aarón: atn Nadab win b'ab'l 'unnab'il, tza'n win Abiú, Eleazar yet' Itamar.

Nm 3:4

Palta a Nadab yet' Abihú, 'ix cham eb' 'a yojltac Jehová 'a lum cusltac lum yic Sinaí, yujn̈ej to xya'ch eb' jun c'ac' chuc yel 'a yojltac Jehová, mant 'a xon yunnal eb'. Yuj cha, cojxn Eleazar yet' Itamar 'ix 'och ya'malc 'och sti eb' 'anma 'a Dios 'a yaln̈ schecnb'il Aarón, atn smam eb'.