1 Cr 23:28 - Chuj San Sebastian Bible

²⁸ A eb' cha, 'ix can eb' 'a yol sc'ab' eb' ya'mal 'och sti eb' 'anma 'a Dios, atn eb' yin̈tl Aarón, yic tzb'on eb' jun tzo'n̈ munljel 'a yatut Jehová: yic tzya'n cuenta eb' yamq'uil, yet' jun tzo'n̈ cuarto, sacb'tzan pax eb' smasnil yamc'ab' to cojn Jehová 'ay yico', tzb'on pax eb' jun tzo'n̈ xo munljel 'a yatut Dios cha,

Chuj San Mateo Bible

²⁸ A eb' vin̈ chi' ix can eb' vin̈ d'a yol sc'ab' eb' vin̈ sacerdote yin̈tilal vin̈aj Aarón, yic smunlaj eb' vin̈ d'a stemplo Jehová, yic syilan yamaq'uil eb' vin̈ yed' yoltac cuarto yed' yilan eb' vin̈ sacb'itaj masanil yamc'ab' yicn̈ej Jehová yaji. Syilanpax juntzan̈ munlajel eb' vin̈ d'a templo chi'.

1 Cr 23:28 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:5

'Ix ya'n 'ajxoc 'och yoyl jun tzo'n̈ cuarto 'a schapaq'uil 'a spatquil, yet' 'a schicn 'a spatquil yatut Dios cha.

1 Cr 18:17

Ax Benaía yunnal Joiada, a yajl yaj 'a yib'n̈ eb' quereteo yet' eb' peleteo. Ax eb' yunnal David cha, a eb' sat yaj scolwj yet'oc.

1 Cr 23:27

Yuj cha, a eb' yin̈tl Leví, a yic tz'acw eb' 'a sjunc'lil ab'il, tzya'n tz'ib'xoc sb'a eb' 'icha tas xyal win David 'a slajb' schecnb'il.

1 Cr 23:29

atn 'ixm pan tz'em tzolan, 'ixm harina tz'ajx ofrendail, 'ixm c'oxx pan may yich, jun tzo'n̈ xo ofrenda tzb'o 'a yol xalten, 'ixm harina caln yaj yet' aceite, tzya'n cuenta pax eb' smasnil jun tzo'n̈ 'echtab'.

1 Cr 23:4

A 'a scal eb' tic 'ix si'x 'elt 24 mil eb' tz'och sjucb'tzoc eb' munljum tzb'on yatut Jehová, ax junx waque mil eb' tz'och gobernadoral yet' 'a juezal.

1 Cr 28:13

An̈jtona', 'ix ya'n pax slistail tas 'oj 'aj sjaw eb' ya'mal 'och sti eb' 'anma 'a Dios, yet' eb' levita, yic tzyi'n 'elt eb' yopiso yet' smasnil tas 'oj sb'o eb' 'a yatut Jehová cha, yet' slistail smasnil syamc'ab'il yic tz'och 'emmquilal ta'.

2 Cr 23:4

A ticnec 'ixtc 'oj e b'o': Machtc ex tzeyil eyopiso 'a sc'ul 'iljelal, a junc yic yoxmacn̈il ex ya'mal 'och sti eb' 'anma 'a Dios, yet' ex ax levita ex tic, ax 'oj e tan̈wc spuertail yatut Jehová.

2 Cr 23:6

Palta may junc tztac' yoch 'a yol yatut Jehová, cojn eb' ya'mal 'och sti eb' 'anma 'a Dios yet' eb' levita 'aych 'a yopiso, atn eb' chi tztac' yochi, yujto sic'b'il 'el eb'; palta ax smasnil eb' chon̈ab' cann̈j cab' eb' 'a sti 'el 'amc' cha, 'icha yaj yaln Jehová.

2 Cr 29:15

B'ab'el 'ix ya'cn eb' syam sb'a eb' yican, 'ix sacb'tzan sb'a eb' smasnil. Xlajw cha, 'ix 'och eb' 'a yol yatut Jehová, yic tzsacb'tzan eb' 'icha xyutj win rey yalni, 'icha pax yaj yaln Jehová.

2 Cr 29:5

Xyaln 'a eb' 'ixtic: Ex levita 'ab'tec tas 'oj wala': Sacb'tzejc e b'a ticnec, tze sacb'tzan pax yatut Jehová, atn qui Diosalec yet' eb' qui mam quichmec. Tzeyi'n 'elt smasnil tas man̈ wach'c 'aych 'a yol yatut cha.

2 Cr 31:11

Yuj cha, xya'n Ezequías b'o yet'l 'aj tzmolx jun tzo'n̈ chi 'a yatut Jehová. A yic xlajw sb'o'i,

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

Esdras 8:29

Caw tzeya'ilj eyi'n b'ey jun tzo'n̈ tic, masnto 'oj 'echtaxc q'uen 'a yojltac eb' syajlil eb' wit ya'mal 'och sti eb' 'anma 'a Dios yet' 'a yojltac jun tzo'n̈ xo eb' levita, yet' 'a yojltac eb' yajl yaj 'a yib'n̈ eb' quit israelal, atn 'a yol jun tzo'n̈ cuarto 'a yatut Jehová 'a Jerusalén, xin chi 'a eb'.

Nehemías 11:24

A mach tz'och 'a yojltac win rey, yuj tzann̈j checnb'ilal yuj eb' chon̈ab', atn Petaías, yunnal Mesezabel, yin̈tl win Zera, yunnal Judá.

Nehemías 13:9

Xlajw cha, xwalni to tzsacb'tzax jun tzo'n̈ cuarto cha, 'ix wa'n 'ajxoc 'och jun tzo'n̈ yamc'ab' yic yatut Dios jun 'ejm xo 'a yojol, yet' ofrenda yet' incienso.

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.

Ez 40:17

Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.

Ez 41:26

A 'a spac'b'il jun corredor cha, ata 'ay jun tzo'n̈ wentnu cotc sat, ax 'a smarcoal jun tzo'n̈ wentnu cha, ata b'ob'il 'och yechl te palma.*f6*

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Ez 42:3

A 'a jun spac'b'il cha, ata tzcan jun 'amc' yic yojl 'ochi, lajn̈e metro sat. Ax 'a jun pac' xo, ata 'ay pax junx 'amc' latz'b'il 'ejm q'uen 'a 'a, atn jun 'ay 'a sti 'elta. A 'a jun 'amc' cha, ata oyn 'och jun tzo'n̈ cuarto q'uelc'mb'a yaj yet' pax jun tzo'n̈ xo 'oxe piso yaj sb'o cha.

Ez 44:14

Comn munljel xoj jac 'oj wac' sb'o eb' 'a watut cha, 'oj sb'o eb' smasnil munljel 'ay ta'.