1 Cr 22:3 - Chuj San Sebastian Bible

³ An̈jtona', til wal q'uen hierro 'ix syam sb'a yuj David, yic tz'och q'uen slawxilc 'a 'aj tzlaj schaj sb'a te spuertail yamq'uil. Til wal pax q'uen bronce syamtzej, man̈xtzac stac' yechtax yalil.

Chuj San Mateo Bible

³ Nivan pax q'uen hierro ix smolb'ej eb' yic tz'och q'uen d'a lavuxal sc'anchaj d'a puerta. Nivan pax q'uen bronce ix molb'aji, maxtzac yal-laj yechtaj q'ueen.

1 Cr 22:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:47

Til wal jun tzo'n̈ xo yamc'ab' to nab'a bronce xb'o'i, yuj cha, man̈xtoc xyac' rey Salomón 'echtaxc yalil.

1 Cr 22:14

'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

1 Cr 29:2

An tic, yet' wal smasnil wip 'ix in yamb'tzan can smasnil tas 'oj c'anxc 'a yatut qui Diosalec: atn q'uen oro, q'uen plata, q'uen bronce, q'uen hierro yet' pax te te', a tzyal tas 'oj c'anxc 'a junjn macn̈ munljel. Yet' pax q'uen ónice, eb' q'uen wach' yilxi, eb' q'uen q'uic' q'ue'en, eb' q'uen chucchc yilxi, yet' smasnil junjn macn̈ q'uen chan̈ stojol, caw niwn pax q'uen mármol.

1 Cr 29:7

'Ix yac' eb' yico' yic tzb'o yatut Dios, 3,800 quintal q'uen oro, 7,600 quintal q'uen plata, 13,500 quintal q'uen bronce, yet' pax 75 mil quintal q'uen hierro.

2 Cr 4:18

Caw niwn jun tzo'n̈ yamc'ab' to nab'a bronce xb'o cha, yuj cha, man̈x 'ic stac' yojcan 'eli jantc yal-l q'uen bronce 'ix 'och 'a 'a.

Jeremías 52:20

Ax jun tzo'n̈ nab'a bronce ya'jnac can rey Salomón b'o 'a yatut Dios, atn chab' 'oy yet' jun niwquil pila 'aj tz'ejm a a', yet' lajchwan̈ yechl mam wacx nab'a bronce b'achjnac chan̈ yich jun pila cha, man̈xtzac stac' yechtaxi jantc yalil.

Dt 8:9

A 'a jun lugar cha, may tas 'oj e na yuj tas tze c'uxu, may pax tas 'oj e na yuj junc xo tas. A 'a scal q'uen q'ue'en, ata 'oj 'ilchjoc q'uen hierro eyu'uj, ax 'a eb' lum jolmctac witz, ata 'oj eyic' 'elt q'uen cobre.