1 Cr 22:2 - Chuj San Sebastian Bible

² Xlajw cha, 'ix ya'n David syam sb'a smasnil eb' chuc chon̈b'al cajn 'ec' 'a scal eb' israel. A 'a scal eb' cha, ata 'ix si'x 'elt eb' tzeym q'uen 'oj tzeync q'uen q'uen 'oj 'och 'a yatut Dios.

Chuj San Mateo Bible

² Ix lajvi chi' ix yalan vin̈aj rey David chi' to smolchaj masanil eb' ch'oc chon̈ab'il ayec' cajan d'a scal eb' israel. Ix sic'chajel eb' tzeyum q'ueen, aton q'uen ol och d'a yic sb'ochaj stemplo Dios.

1 Cr 22:2 ပူးပေါင်းရင်းမြစ်များ

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

A Ch'an̈ B'ab'el Libro Yic Yab'ixal Eb' Rey 6:7

A yic 'ix 'el yich sb'o'i, wach' xon yaj eb' q'uen q'uen sb'o'i, tzeyb'ilx eb' q'ue'en. Yuj cha, a yic wan sb'o jun n̈a cha, man̈x 'a 'aj 'ix 'ab'x sc'an̈ q'uen martillo, q'uen ch'acab', yet' junc xo q'uen yamc'ab'.

A Ch'an̈ Schab'il Libro Yic Yab'ixal Eb' Rey 12:12

eb' albanil, eb' b'om q'ue'en. 'Ix manx pax te te', yet' q'uen q'uen to mac'b'ilx pojoc, yic tz'och 'a yatut Jehová 'aj juwnc cha. 'Ix c'anx pax q'uen tumn chi 'a jun tzo'n̈ xo tas xmanxi, to tzc'anx 'a jun munljel cha.

A Ch'an̈ Schab'il Libro Yic Yab'ixal Eb' Rey 22:6

atn eb' josmte', eb' albanil, yet' eb' tzch'oxn tas tz'aj sb'o jun munljel cha. Tzmanx pax te te', yet' q'uen q'uen tzeyb'il yuj snipx jun n̈a cha.

1 Cr 14:1

A win Hiram sreyl chon̈b' Tiro, 'ix ya't schecb' 'a David. An̈jtona', xya't eb' albanil, yet' eb' josmte', 'ix yi'n 'at eb' te c'ute yet'oc, yic tzb'on chan̈ eb' sdespacho David.

1 Cr 29:1

Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

2 Cr 2:16

Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

2 Cr 2:17

Xlajw cha, 'ix yi'n chan̈ Salomón sb'isl smasnil eb' chuc chon̈b'al cajn 'a chon̈b' Israel cha, chuc pax xb'isx eb' yuj smam, atn David. A sb'isl eb', 'ay 153,600 eb' 'a smasnil.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.