1 Cr 22:14 - Chuj San Sebastian Bible

¹⁴ 'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

Chuj San Mateo Bible

¹⁴ Ix vac' val vip yic smolb'ajcan 66 mil quintal q'uen oro yic tz'och d'a stemplo Jehová chi' yed' 660 mil quintal q'uen plata yed' jun nivan b'ulan̈ q'uen bronce yed' q'uen hierro maxtzac yal yechtaji. Man̈ jantacoc pax te te' ix in chec molb'ajcanoc yed' q'uen q'ueen. A achxo ol ac' tz'acvoc.

1 Cr 22:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:14

A q'uen oro tzchaj Salomón 'a junjn ab'il, 'ay 500 quintal q'ue'en.

A Ch'an̈ B'ab'el Libro Yic Yab'ixal Eb' Rey 7:47

Til wal jun tzo'n̈ xo yamc'ab' to nab'a bronce xb'o'i, yuj cha, man̈xtoc xyac' rey Salomón 'echtaxc yalil.

A Ch'an̈ Schab'il Libro Yic Yab'ixal Eb' Rey 25:16

Man̈x yalnb'ilc jantc yal-l q'uen bronce 'aych 'a chab' 'oy cha, yet' 'a jun pila, yet' pax 'a jun tzo'n̈ sb'achnub'l yaln̈ cha, atn jun tzo'n̈ ya'jnac Salomón b'o 'a yatut Dios. Ma'ix nachj 'el yuj eb' jantc yal-l jun tzo'n̈ cha.

1 Cr 22:15

Ach tic til wal munljum 'ayc' 'a yol a c'ab' 'oj munljoc et'oc: atn eb' tzeym q'ue'en, eb' albanil, eb' josmte'. Man̈xtzac b'ischj jantc winc to jeln smunlj 'a tzann̈j munljelal, 'icha 'a q'uen oro, 'a q'uen plata, 'a q'uen bronce, yet' 'a q'uen hierro. Yuj cha, ¡'och cab' munljel! ¡A Jehová 'oj colwjoc et'oc! xchi David 'a Salomón.

1 Cr 22:3

An̈jtona', til wal q'uen hierro 'ix syam sb'a yuj David, yic tz'och q'uen slawxilc 'a 'aj tzlaj schaj sb'a te spuertail yamq'uil. Til wal pax q'uen bronce syamtzej, man̈xtzac stac' yechtax yalil.

1 Cr 29:2

An tic, yet' wal smasnil wip 'ix in yamb'tzan can smasnil tas 'oj c'anxc 'a yatut qui Diosalec: atn q'uen oro, q'uen plata, q'uen bronce, q'uen hierro yet' pax te te', a tzyal tas 'oj c'anxc 'a junjn macn̈ munljel. Yet' pax q'uen ónice, eb' q'uen wach' yilxi, eb' q'uen q'uic' q'ue'en, eb' q'uen chucchc yilxi, yet' smasnil junjn macn̈ q'uen chan̈ stojol, caw niwn pax q'uen mármol.

Jeremías 52:20

Ax jun tzo'n̈ nab'a bronce ya'jnac can rey Salomón b'o 'a yatut Dios, atn chab' 'oy yet' jun niwquil pila 'aj tz'ejm a a', yet' lajchwan̈ yechl mam wacx nab'a bronce b'achjnac chan̈ yich jun pila cha, man̈xtzac stac' yechtaxi jantc yalil.

Nm 7:85

A junjn q'uen plato cha, 'ay 1,430 gramos yalil, ax junjn xalu cha, 'ay 770 gramos yalil. Yuj cha, a q'uen plata x'och 'a jun tzo'n̈ plato cha, yet' 'a jun tzo'n̈ xalu, 'ay 26,400 gramos yalil, a tzyal 'echtab' tzc'anlb'ax 'a scajnub' Dios.

2 Co 8:2

Wach'xam caw x'ajx prowal eb' yuj screyenteal, palta caw tzaljn̈ej eb'. Wach'xam caw meb'a eb' si'mb'il, palta 'ela eb', 'icha to caw rico eb' tzquila.