1 Cr 22:1 - Chuj San Sebastian Bible

¹ Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

Chuj San Mateo Bible

¹ Yuj chi' ix yal vin̈ icha tic: A tic ol aj stemplo Jehová Dios yed' jun altar b'aj sco n̈ustz'a co silab' a on̈ israel on̈ tic, xchi vin̈.

1 Cr 22:1 ပူးပေါင်းရင်းမြစ်များ

Gn 28:17

'Ix xiw cha'an̈, yuj cha, snan 'ixtic: Caw 'ay smay jun lugar tic. Atn am wal 'a tic 'ay yatut Dios, mto ¡spuertail satchan̈ yaji! xchi.

A Ch'an̈ Schab'l Libro Samuel 24:18

A 'a jun c'u cha, 'ix jaw win Gad 'a David, xwul yalnoc 'a win 'ixtic: Q'uen̈ c'och 'a ste'lab' trigo win Arauna jebuseo, tza b'on chan̈ junc yet'l xajmb'al 'a Jehová ta', xchi.

A Ch'an̈ Schab'il Libro Yic Yab'ixal Eb' Rey 18:22

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al 'ay 'a Jerusalén, ata tzeyal e b'a.

1 Cr 21:30

palta man̈x 'ic stac' s'at David ta', yic tzyaln sb'a 'a Dios, yujto 'ix xiw si'mb'il 'a yic 'ix yiln jun yángel Jehová yet' yespada cha.

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

2 Cr 32:12

¿Tom man̈oc Ezequías chi 'ijnac 'el jun tzo'n̈ macsej 'a jolmctac witz, yet' jun tzo'n̈ yet'l xajmb'al yic jun Dios cha? 'Ix yaln 'a smasnil eb' 'anma 'a Jerusalén yet' jun tzo'n̈ xo eb' 'a Judá, to cojn 'a jun yet'l xajmb'al 'aj tzyac' tz'a eb' incienso 'a jun Dios cha.

Salmos 78:60

'ix yactn can jun scajnub' 'a Siló, atn jun yatut yaj 'a qui calec.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.