1 Cr 21:30 - Chuj San Sebastian Bible

³⁰ palta man̈x 'ic stac' s'at David ta', yic tzyaln sb'a 'a Dios, yujto 'ix xiw si'mb'il 'a yic 'ix yiln jun yángel Jehová yet' yespada cha.

Chuj San Mateo Bible

³⁰ palta maj yal-laj sb'at vin̈aj rey David ta' yic sc'anb'ej d'a Dios, yujto ix te xiv vin̈ ayic ix yilan jun q'uen espada vin̈ yed'nac Yángel Jehová.

1 Cr 21:30 ပူးပေါင်းရင်းမြစ်များ

A Ch'an̈ Schab'l Libro Samuel 6:9

A wal 'a jun c'u cha, caw xiw David 'a Jehová, yuj cha, xyaln 'ixtic: ¿Tas to 'oj wutc wi'n 'at te scaxail strato Jehová tic 'a 'aj cajn in 'eq'ui? xchi.

1 Cr 13:12

A yic jun c'ul cha, caw 'ix xiw David 'a Dios, 'ix yaln 'ixtic: ¿Tas 'oj wutc wi'n to 'at te scaxail strato Dios 'a watut? xchi.

1 Cr 21:16

A yic 'ix q'ue q'ueln David, 'ix yilni to 'ayc' jun ángel chi 'a snan̈l satcha'an̈ yet' lum lum tic, yamb'il chan̈ jun espada yu'uj, wan stojlb'tzan 'at 'a Jerusalén. Yuj cha, 'ix 'em n̈ojn yet' eb' yichm wincal chon̈ab', masnto squil 'ejm eb' snan̈l sat 'a sat lu'um, 'aych te pichl n̈achtac sat yic tzch'oxn 'el eb' scusc'ojlal.

1 Cr 21:29

Wach'xam a jun mantiado yic Jehová b'ob'il chan̈ yuj Moisés 'a lum cusltac lu'um, yet' jun yet'l xajmb'al 'aj tz'ajx xajmb'al, ata 'ay 'a jolm witz yic Gabaón,

1 Cr 22:1

Yuj cha, 'ix yaln David 'ixtic: A 'a tic 'oj b'o chan̈ yatut Jehová Dios, yet' jun yet'l xajmb'al 'aj 'oj ca'c tz'a qui xajmb'al an̈ israel on̈c tic, xchi.

Job 13:21

'Actj a'n 'och in yailal, tzactn in a xib'tn yet' tas caw 'ay smay.

Job 21:6

A yic tzin nan cot jun tzo'n̈ cha, caw tzin xiw chan̈ yu'uj, tzchinchni in niwnal xiwi.

Job 23:15

Yuj cha, caw wal tzin xiw 'a 'a, cojn wal yic tzin nan coti, caw tzin 'ib'x chan̈ yuj xiwlal.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 90:11

¿Tom 'ay junc mach 'ojtnac jantc wal yipl yowl a c'ojol? ¿Toc cojc on̈ jantc wal smay a c'a'lc'ojlal cha?

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.