1 Cr 21:23 - Chuj San Sebastian Bible

²³ Ax Ornán cha, 'ix ta'w 'ixtc 'a 'a: —'Ij lum mamin rey, b'o tas tza nib'j a b'o cha. Tzwac' e no quelm wacx tic 'ayach yic tz'och no xajmb'alil, yet' te luchlab' trigo tic, tztac' tz'och te c'atztzil, yet' 'ixm trigo, tztac' yoch 'ixm ofrendail. ¡Tzwac' jun tzo'n̈ tic 'aych smasnil! xchi.

Chuj San Mateo Bible

²³ Ix tac'vi vin̈aj Ornán chi' d'a vin̈: —Mamin rey, syal in sian jun lugar tic d'ayach yic tza b'oan tas snib'ej a c'ool. Svac'anpax noc' toro yic tz'och noc' silab'il yed' te' tec'lab' tic syal yoch te' d'a c'atzitzal, axo ixim trigo tic, syal yoch ixim d'a ofrendail. Mamin rey, masanil juntzan̈ tic svac' d'ayach, xchi vin̈.

1 Cr 21:23 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:21

Ax yic xjapxi, 'ix smiln chawn̈ no wacx cha, stzu'n 'at te te jalb'il q'ue 'a scal sch'ac no wacx cha, axta 'ix sb'ol no chib'j cha, 'ix ya'n wa eb' smunljum cha. Xlajw cha, 'ix 'och tza'n yuj Elías yic tzya'n servil.

1 Cr 21:22

Xlajw cha, 'ix yaln David 'ixtc 'a winac: —'Ac' jun a lugar 'aj tzach te'w trigo tic 'ayin, sec wach' a 'a tic tzin b'o chan̈ junc yet'l xajmb'al 'a Jehová, sec tz'och wan jun yab'il tic 'a qui chon̈b' tic. Chon̈ 'ayin, a tzyal jantc tza c'ana, xchi.

1 Cr 21:24

Xlajw cha, 'ix yaln rey David 'ixtc 'a winac: —Yuj wal dios 'ayach, palta yowlal tzin man smasnil jun tzo'n̈ tic 'aych 'icha wal stojol, yujto matz tac' wi'n 'ec' tas to eco', yic tzwa'n xajmb'al-l 'a Jehová, matz tac' pax wa'n junc xajmb'al yic to matz wab' syal in manni, xchi.

Jeremías 32:8

'Icha wal xyutj Jehová chi yaln 'ayin, 'ixta 'ix 'aji. 'Ix jaw win wican Hanamel chi 'ayin, yic 'ayn 'ec' 'a yamq'uil sti te preso 'a 'aj 'ayc' eb' tztan̈wni sdespacho win rey. 'Ix wul yalnc 'ayin chajtlto tzin man jun slum 'ay 'a Anatot 'a yol yic Benjamín. An 'ay waln wic in mann lu'um, yujto wican to in b'a yet' winac. Atta 'ix nachj 'el wu'uj, to spaxti Jehová jun cha.

A Ch'an̈ B'ab'el Libro Samuel 6:14

Ax e no wacx cha, ata xjaw e no yet' te caruaje chi 'a slum jun win tzcuch Josué 'aj Bet-semes. Ata x'och wan e no yet' te caruaje chi 'a stz'ey jun q'uen niwquil q'ue'en. Ax eb' yin̈tl Leví, a eb' x'i'n 'emt scaxail strato Jehová 'a yol caruaje cha. Xyi'n 'emt eb' te cajon 'a 'aj 'ay 'ejm q'uen oro. Xya'n q'ue eb' 'a yib'n̈ q'uen niwquil q'uen cha. Ax eb' 'aj Bet-semes cha, 'ix stzu'n poj eb' te caruaje cha, xya'n tz'a eb' e no wacx chi xajmb'al-l 'a Jehová. Ax 'a jun c'u cha, 'ix laj yac' tz'a eb' jun tzo'n̈ xo xajmb'al.