1 Cr 21:1 - Chuj San Sebastian Bible

¹ Palta 'ix 'och win Satanás 'ajc'ojlal 'a eb' israel, 'ix ya'n sc'ojloc David sec tzyij chan̈ sb'isl eb' soldado.

Chuj San Mateo Bible

¹ A vin̈ Satanás ix och ajc'olal d'a eb' israel, yuj chi' ix yac' vin̈ sc'ulej vin̈aj rey David yic syic'anchaan̈ sb'isul eb' soldado israel vin̈ smasanil.

1 Cr 21:1 ပူးပေါင်းရင်းမြစ်များ

1 Cr 20:8

A jun tzo'n̈ winc caw niwc stel tic, yin̈tl Refa eb', 'aj Gat eb', 'ix 'ajx ganar eb' yuj David yet' eb' soldado.

1 Cr 27:24

A Joab yune 'ix Sarvia, 'ix chaj 'el yich yi'n chan̈ sb'isl eb', palta ma'ix lajw yi'n cha'an̈, yujto 'ix yij cot jun sb'isl eb' chi jun niwquil yailal 'a yib'n̈ chon̈b' Israel. Yuj cha, man̈ tz'ib'b'ilc sb'isl eb' 'a ch'an̈ libro yic yab'xil rey David.

1 Cr 7:40

Smasnil jun tzo'n̈ eb' tic, yin̈tln̈ej Aser eb'. Yajl yaj eb' 'a yib'n̈ eb' yican, caw niwn yel'ch eb', sic'b'il 'el eb', caw jeln eb' 'a owal. A tzyal x'aj stz'ib'xi, 'ay 26 mil soldado 'a scal eb'.

Job 2:1

A yic xc'och sc'ul sch'oxn pax sb'a eb' ángel 'a yojltac Jehová, an̈jtona', xc'och pax win 'ajc'ojol 'a scal eb'.

Ex 30:12

A yic tze'n chan̈ sb'isl eb' et israelal tic, junjn eb', 'oj yac' eb' jun tzo'n̈ tojlb'al 'ayn an Jehová in yuj sq'uinal, sec ax yic 'oj lajwc sq'ue wan sb'isl eb' cha, may junc yab'il 'oj jawc 'a scal eb' yic tzcham eb' yu'uj.

Zacarías 3:1

'Ix yaln pax Zacarías 'ixtic: 'Ix ch'oxx wil junx tic 'a 'icha waychil. 'Ix wilni to a Josué sat ya'mal 'och sti eb' 'anma 'a Dios, lin̈n 'och 'a yojltac yángel Jehová, ax 'a stojlal swach' c'ab' Josué cha, ata lin̈n 'och win 'a'm queja, yuj yaln win smul Josué cha.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Lc 11:53

Yic xlajw yaln Jesús jun tzo'n̈ cha, ax eb' cuywjum 'a ley yic Moisés yet' eb' fariseo, caw xcot yowl eb' 'a 'a. Til wal jun tzo'n̈ tas xlaj cob' stz'ac eb' sc'anb'c 'a 'a.

Lc 22:31

'Ix yaln Cajlil 'ixtic: —Simón, 'ab'i, a win Satanás, caw 'ix sc'an win spermiso 'a Dios, yujto tznib'j win tzex yac' prowal 'icha tz'aj 'ixm trigo tzchayxi.

Jn 13:2

Ax win Judas, yunnal Simón 'aj Queriot, tox 'ix 'och win diablo 'a spixn winac, sec a win tz'a'n 'och Jesús 'a yol sc'ab' chamel. Palta yojc Jesús to a 'a Dios cotnac, ata 'oj paxx q'ue'i. Yojtac a qui Mam Dios 'a'jnac smasnil tas 'a yol sc'ab'. Ax yic wan swa yet' eb' scuywum, 'ix q'ue lin̈an. 'Ix yi'n 'el jun spotil, sb'a'n 'och jun toaya 'a snan̈al.

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.

A Ch'an̈ Carta D'a Eb' Hebreo 10:24

Yowlal tzqui sayec tas tzlaj cutquec qui jucb'tzan qui b'a, sec 'oj laj niwtj qui chamc'ojlalec, ax swach' b'o qui b'eyb'alec.

Santiago 1:13

A yic tzon̈ 'ajxec prowal 'a junc maysch'olnil, matz tac' calni, to a Dios tzon̈ 'a'nec prowal. Yujto a Dios, matz tac' yajx prowal 'a maysch'olnil. An̈jtona', may pax mach tzyac' prowal Dios.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.