1 Cr 20:8 - Chuj San Sebastian Bible

⁸ A jun tzo'n̈ winc caw niwc stel tic, yin̈tl Refa eb', 'aj Gat eb', 'ix 'ajx ganar eb' yuj David yet' eb' soldado.

Chuj San Mateo Bible

⁸ A juntzan̈ eb' vin̈ nivac vinac chi', a vin̈aj Réfah aj Gat ay yin̈tilal eb' vin̈, palta ix miljicham eb' vin̈ yuj vin̈aj rey David yed' eb' soldado vin̈.

1 Cr 20:8 ပူးပေါင်းရင်းမြစ်များ

A Ch'an̈ Schab'l Libro Samuel 21:16

'Ay jun winc caw niwquil ste'il, tzcuch Isbi-benob, yin̈tl eb' niwc ste'il, atn jun chi xnib'n milnc cham David. A slanza cha, 'aym uque'oc libra yalil, ax 'a sincho 'a snan̈al, ata locn 'och jun 'ac' espada.

A Ch'an̈ Schab'l Libro Samuel 21:22

A chan̈wn̈ eb' niwc stel cha, yin̈tl Refa eb', atn win 'aj Gat, palta a eb' cha, 'ix 'ajx ganar eb' yuj rey David, yet' yuj eb' soldado cha.

1 Cr 20:7

A jun winc cha, 'ix b'uchwj 'a eb' israel, palta xmilx cham yuj Jonatán, yunnal Simea, atn win yu'tac David.

1 Cr 21:1

Palta 'ix 'och win Satanás 'ajc'ojlal 'a eb' israel, 'ix ya'n sc'ojloc David sec tzyij chan̈ sb'isl eb' soldado.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Josué 14:12

Yuj cha, tzin c'an 'aych ticnec, to tzac' lum jolmctac witz tic 'ayin, 'icha yutjnac yaln can Jehová. Ab'jnac ach tic 'a yic jun tiempoal cha, chajtlto ata cajn eb' niwc winac, eb' yin̈tl can win Anac; caw niwc yaj schon̈b' eb' sb'oni, wach' pax yajch smuroal schon̈b' eb' cha. Palta an tic, caw tzwa'ch Jehová yipc in c'ojol, to 'oj colwjoc wet'oc yic 'oj wi'nc 'el eb' ta', 'icha yaj yaln cani, xchi Caleb.