1 Cr 2:51 - Chuj San Sebastian Bible

⁵¹ yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.

Chuj San Mateo Bible

⁵¹ vin̈aj Salma, smam yicham eb' aj Belén yed' vin̈aj Haref smam yicham eb' aj Bet-gader.

1 Cr 2:51 ပူးပေါင်းရင်းမြစ်များ

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

1 Cr 2:50

Atn jun tzo'n̈ eb' yin̈tl Caleb tic. A Hur, atn sb'ab'l 'une 'ix Efrata, a 'ay yunnal Sobal, smam 'ichm eb' 'aj Quiriat-jearim;

1 Cr 2:52

Ax eb' yunnal Sobal, win smam 'ichm eb' 'aj Quiriat-jearim: atn eb' Reaía yet' spacl eb' manahetita,

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Jn 7:42

A Ch'an̈ Un̈ tzalni, chajtlto a Cristo, yowlal a 'a chon̈b' Belén, ata 'oj 'aljoc, 'a 'aj 'e'nc David pecti', yujto yin̈tl can David cha, xchi eb'.

Rt 1:1

A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.

Rt 1:19

Xlajw cha, 'ix cot eb' schawn̈il b'i'an, masnto xjaw eb' 'a Belén. A yic xjaw eb' 'a jun chon̈b' cha, smasnil eb' 'anma 'ayc' ta', caw 'ix sat sc'ojl eb' yiln eb'. 'Ix yaln eb' 'ix 'ix 'ayc' ta': —¿Man̈oc am 'ix Noemí tzjaw tic? xchi eb'.

Rt 2:4

Wanto si'n chan̈ 'ix sjolm 'ixm xlaj can yuj ewin polm cebada cha, 'ix jaw win Booz cha, spet win 'a Belén. 'Ix yaln win 'ixtc 'a eb' smunljum cha: —A cab' Jehová 'aych eyet'oc, xchi. 'Ix ta'w ewin 'a win 'ixtic: Ya' cab' Jehová syaxilal 'a eb'an̈, xchi ewinac.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.