1 Cr 2:13 - Chuj San Sebastian Bible

^13-15 A eb' yunnal Isaí, atn stzol-l eb' tic: Eliab, Abinadab, Simea, Natanael, Radai, Ozem, yet' David.

Chuj San Mateo Bible

¹³ A eb' vin̈ yuninal vin̈aj Isaí chi', aton eb' vin̈ tic: B'ab'el vin̈aj Eliab, schab'il vin̈aj Abinadab, yoxil vin̈aj Simea,

1 Cr 2:13 ပူးပေါင်းရင်းမြစ်များ

A Ch'an̈ Schab'l Libro Samuel 13:3

'Ay jun swach'c'ojl win caw jeln 'a stu'al, Jonadab sb'i, yunnal jun win tzcuch Simea, yu'tac sb'a win yet' David.

A Ch'an̈ Schab'l Libro Samuel 2:32

Xlajw cha, 'ix yi'n 'at eb' sniwnal Asael, axta smuc eb' 'a 'aj mucb'il smam 'a Belén. Ax Joab yet' eb' soldado 'ix b'eyn̈j eb' 'a smasnil jun 'ac'wl cha, ax yic xq'uin̈lb'i 'eli 'ayx 'ec' eb' 'a Hebrón.

1 Cr 2:12

ax Booz a 'ay yunnal Obed, atn smam Isaí.

1 Cr 20:7

A jun winc cha, 'ix b'uchwj 'a eb' israel, palta xmilx cham yuj Jonatán, yunnal Simea, atn win yu'tac David.

1 Cr 27:18

'a eb' yin̈tl Judá, atn Eliú, jun yu'tac David: ax 'a eb' yic Isacar, atn Omri, yunnal Micael;

A Ch'an̈ B'ab'el Libro Samuel 17:12

A 'a Belén 'a yol yic Judá, ata 'ay jun win 'ichm winc tzcuch Isaí. A 'a yol stiempoal Saúl cha, caw wal 'ichm winc xo win si'mb'il 'a scal eb' yit chon̈ab'. A win tic, 'ay wajxcwan̈ yunnal, ax 'a scal eb' cha, ata 'ay jun win tzcuch David.

A Ch'an̈ B'ab'el Libro Samuel 17:13

'Ay 'oxwn̈ eb' yunnal win Isaí b'ab'l winc yaj eb' 'a jun tzo'n̈ xo eb' yunnal winac, atn win Eliab, win Abinadab yet' win Sama. A ewin 'oxwn̈ tic, 'ix 'at ewin yet' Saúl 'at yac' owal.

A Ch'an̈ B'ab'el Libro Samuel 17:28

A yic wan spaxtin David yet' jun tzon̈ winc cha, 'ix yab'n win sb'ab'l 'u'tac, atn win Eliab. Caw xcot yowl win si'mbil 'a 'a, xyaln 'a 'ixtic: —¿Tas tzwul a b'o 'a tic? ¿Mach 'ix ac' 'ilnc can jayc'otn̈ e no calnelu 'a cusltac lu'um? Wojc wal cob' a b'an̈quinal. ¡Caw tu tas 'ayc' 'a a nab'en! ¿Tas yuj ton̈j tzwul ela' tas tz'aj yoch owal? xchi.