1 Cr 2:10 - Chuj San Sebastian Bible

¹⁰ A Ram, a 'ay yunnal Aminadab, ax Aminadab cha, a 'ay yunnal Naasón, atn yajl x'aj 'a scal eb' yin̈tl Judá.

Chuj San Mateo Bible

¹⁰ A vin̈aj Ram chi' smam vin̈aj Aminadab. Axo vin̈aj Aminadab chi' smam vin̈aj Naasón. A vin̈aj Naasón yajal ix aj vin̈ d'a scal eb' yin̈tilal Judá.

1 Cr 2:10 ပူးပေါင်းရင်းမြစ်များ

1 Cr 2:11

A Naasón a 'ay yunnal Salma, ax Salma a 'ay yunnal Booz,

1 Cr 2:9

Eb' yunnal Hezrón: atn Jerameel, Ram yet' Quelubai.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 2:3

A 'a stojlal 'aj tzq'uel c'u, ata 'oj 'aj scamplamento eb' soldado 'et'jnac sbandera eb' yin̈tl Judá. A Naasón yunnal Aminadab a 'aych syajlilc eb' soldado 'a yin̈tl Judá, a sb'isl eb' 'ay 74,600 soldado.

Nm 7:12

'A yic b'ab'l c'u, 'ix yij cot Naasón win yunnal Aminadab yofrenda, win yajl yaj 'a eb' yin̈tl Judá. 'A schab'l c'ual, 'ix yij cot Natanael win yunnal Zuar yofrenda, win yajl yaj 'a eb' yin̈tl Isacar. 'A yoxl c'ual, 'ix yij cot Eliab win yunnal Helón yofrenda, win yajl yaj 'a eb' yin̈tl Zabulón. 'A schan̈l c'ual, 'ix yij cot Elisur win yunnal Sedeur yofrenda, win yajl yaj 'a eb' yin̈tl Rubén. 'A yol c'ual, 'ix yij cot Selumiel win yunnal Zurisadai yofrenda, win yajl yaj 'a eb' yin̈tl Simeón. 'A swacl c'ual, 'ix yij cot Eliasaf win yunnal Deuel yofrenda, win yajl yaj 'a eb' yin̈tl Gad. 'A yucl c'ual, 'ix yij cot Elisama win yunnal Amiud yofrenda, win yajl yaj 'a eb' yin̈tl Efraín. 'A swajxquil c'ual, 'ix yij cot Gamaliel win yunnal Pedasur yofrenda, win yajl yaj 'a eb' yin̈tl Manasés. 'A sb'aln̈il c'ual, 'ix yij cot Abidán win yunnal Gedeoni yofrenda, win yajl yaj 'a eb' yin̈tl Benjamín. 'A slajn̈il c'ual, 'ix yij cot Ahiezer win yunnal Amisadai yofrenda, win yajl yaj 'a eb' yin̈tl Dan. 'A yuxlchil c'ual, 'ix yij cot Pagiel win yunnal Ocrán yofrenda, win yajl yaj 'a eb' yin̈tl Aser. Ax 'a slajchwil c'ual, 'ix yij cot Ahira win yunnal Enán yofrenda, win yajl yaj 'a eb' yin̈tl Neftalí. Lajnn̈ej yofrenda junjn eb' 'ix yac'a, atn jun tzo'n̈ tic: Q'uen plato b'ob'il yet' plata, 1,430 gramos yal-l junjn eb' q'ue'en, xalu b'ob'il yet' plata, 770 gramos yal-l jun jun, (a tzyal 'echtab' tzc'anlb'ax 'a scajnub' Dios). A jun tzo'n̈ cha, b'ut'n yet' 'ixm harina caw wach', calb'il yet' aceite, a chi xyac' eb' yofrendaoc. 'Ix ya'n pax eb' junjn niwquil cuchara nab'a oro, 'ay 110 gramos yal-l jun jun, b'ut'n yet' incienso, yet' pax junjn no quelm wacax, junjn no mam calnelu, junjn no quelm calnelu jun ab'il sq'uinl tz'ajx tz'a xajmb'alil, yet' junjn no mam chiwo yic tz'ajx no xajmb'al-l yuj mul. Ax 'a slajub', xya'n pax eb' no xajmb'al yic junc'ojlal: Chatcwan̈ no mam wacax, otcwan̈ no mam calnelu, otcwan̈ no mam chiwo, yet' pax otcwan̈ no quelm calnelu junjn ab'il sq'uinal. Lajnn̈ej sb'isl no xyac' junjn eb'.

Mt 1:4

A Aram a 'ay yunnal Aminadab, ax Aminadab a 'ay yunnal Naasón, atn smam Salmón.