1 Cr 18:5 - Chuj San Sebastian Bible

⁵ 'Ix jaw eb' soldado sirio 'aj Damasco colwjoc yet' Hadad-ezer cha, palta xmilx cham 22 mil eb' yuj David yet' soldado.

Chuj San Mateo Bible

⁵ Ix c'och eb' soldado sirio aj Damasco yic scolvaj eb' yed' vin̈aj Hadad-ezer chi', palta ix ac'jipax ganar eb' yuj vin̈aj rey David chi', ix miljicham 22 mil eb'.

1 Cr 18:5 ပူးပေါင်းရင်းမြစ်များ

1 Cr 18:3

An̈jtona', 'ix 'ajx pax ganar Hadad-ezer sreyl chon̈b' Soba, ata 'ay 'a stojlal Hamat. A jun rey cha, wan smacn 'ec' yico'oc lum lu'um, masnto 'a a Éufrates.

1 Cr 18:4

'Ix yamchj jun mil caruaje yic owl yuj David yet' soldado, yet' uque mil soldado 'ay q'ue 'a yib'n̈ chej, yet' pax junc'l mil eb' to tzb'ey 'a yoc. Sma'n wecchjoc eb' yoc smasnil no chej to'jnac te caruaje yic owl cha, cojxn̈ej no tzc'anx yuj junc ciente caruaje xcani.

1 Cr 18:6

Xlajw cha, 'ix ya'n 'och David jun tzo'n̈ eb' soldado tztan̈wni eb' sirio 'a yol yic Damasco. Ax eb' sirio cha, 'ix can eb' 'a yaln̈ schecnb'il, tzya'n pax eb' stojlb'al, yujto a Jehová a tz'a'n yac' ganar David owal, yaln̈j 'aj tzxit'q'ui.

1 Cr 19:6

'Ix snan 'el eb' amonita cha chajtlto caw tzcot yowl David 'a eb' yujto caw tu tas 'ix sb'o eb' 'a eb' schecab', yuj cha, ax Hanún sreyl eb', 'ix ya't 660 quintal q'uen plata 'a eb' syajlil Mesopotamia, yet' 'a eb' sirio 'aj Maaca yet' 'a Soba, yic tz'och stojloc caruaje yic owal yet' eb' soldado 'aych 'a yib'n̈ chej yuj scolwj eb' 'a eb'.

Salmos 60:2

'Ix ac' 'ib'xoc lum lum tic, yuj cha, xjat lu'um, ax ticnec, macx can sjatlil lu'um, yujto xchoc'b' lu'um.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.