1 Cr 18:4 - Chuj San Sebastian Bible

⁴ 'Ix yamchj jun mil caruaje yic owl yuj David yet' soldado, yet' uque mil soldado 'ay q'ue 'a yib'n̈ chej, yet' pax junc'l mil eb' to tzb'ey 'a yoc. Sma'n wecchjoc eb' yoc smasnil no chej to'jnac te caruaje yic owl cha, cojxn̈ej no tzc'anx yuj junc ciente caruaje xcani.

Chuj San Mateo Bible

⁴ Ix yamchaj mil carruaje yic oval yuj vin̈aj David chi' yed' eb' soldado. Ix yamchajpax 7 mil eb' soldado ayq'ue d'a yib'an̈ chej yed' pax 20 mil eb' soldado sb'ey d'a yoc. Ix spol d'in̈chaj sch'an̈al yoc masanil noc' chej ed'jinac carruaje yic oval chi' eb', axon̈ej noc' sc'anchaj yic stoc'an 100 carruaje ix cani.

1 Cr 18:4 ပူးပေါင်းရင်းမြစ်များ

Gn 49:6

Jun 'ejmn̈ej matz in nib'j tzin c'och eyet' 'a 'aj tz'och eyamnil, yujto a yic xcot numjoc eyowal, xe miln cham eb' 'anma', yuj wal e tu nab'enal cha, xe ma'n wecchjoc yoc e no quelm wacax.

A Ch'an̈ Schab'l Libro Samuel 8:4

Ax x'aji, 'ix yamchj can 1,700 eb' soldado yuj David 'a scal owl cha, atn eb' 'et'jnac te caruaje yic owal, ax junc'l mil eb' tzb'ey 'a yoc xyamchj can paxi. Stzu'n pax n̈i'chjoc sch'an̈l yoc smasnil no chej to'jnac jun tzo'n̈ caruaje cha, cojxn no tzto'n junc ciente caruaje chi xcani.

A Ch'an̈ B'ab'el Libro Yic Yab'ixal Eb' Rey 10:26

'Ix smolb'tzan cot Salomón jun tzo'n̈ caruaje yic owal, yet' no chej. 'Ay mil 400 caruaje, 'ay pax lajchwe mil no chej tzq'ue eb' soldado 'a yib'an̈. 'Ay no 'ayc' 'a jun tzo'n̈ chon̈b' to yic xon no yaji. 'Ay pax no 'ay 'a Jerusalén yuj eb' tztan̈wni win rey.

A Ch'an̈ B'ab'el Libro Yic Yab'ixal Eb' Rey 4:2

A eb' niwn yel'ch yopiso yet'oc, atn eb' tic: Azarías yunnal Sadoc, win ya'mal 'och sti eb' 'anma 'a Dios;

1 Cr 18:3

An̈jtona', 'ix 'ajx pax ganar Hadad-ezer sreyl chon̈b' Soba, ata 'ay 'a stojlal Hamat. A jun rey cha, wan smacn 'ec' yico'oc lum lu'um, masnto 'a a Éufrates.

1 Cr 18:5

'Ix jaw eb' soldado sirio 'aj Damasco colwjoc yet' Hadad-ezer cha, palta xmilx cham 22 mil eb' yuj David yet' soldado.

Salmos 20:7

'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

Josué 11:6

Palta xyaln Jehová 'ixtc 'a Josué: —Man̈ ach xiw 'a eb' 'anma cha, yujto yab'n 'icha hora tic q'uic'an, 'oj cham eb' smasnil 'a eyojltac wu'uj. 'Oj e mac' wecchjoc schej eb', ax e n̈usn pax scaruaje eb' cha, xchi.

Josué 11:9

A Josué 'ix syiclj sb'on smasnil tas xyal Jehová. 'Ix smac' wecchjoc schej eb' 'ajc'ojl cha, sn̈usn pax eb' scaruaje eb' yic owal.