1 Cr 17:16 - Chuj San Sebastian Bible

¹⁶ Yuj cha, 'ix 'och rey David, 'ix 'em wocn paxtinc 'a yojltac Jehová, 'ix yaln 'ixtic: Mamin Jehová in Diosal, ¿tas wal wilx tzela, an̈jtona tas pax yilx eb' in mam wicham, yuj cha, tzin a'n 'och 'a jun niwquil 'opiso tic?

Chuj San Mateo Bible

¹⁶ Yuj chi' ix och vin̈ rey chi' d'a yichan̈ Jehová, ix em c'ojan vin̈, ix yalan vin̈ icha tic: Mamin Jehová in Diosal, ¿tas val velc'och a in tic? ¿tas pax val yelc'och eb' in mam vicham, yuj chi' nivan a vach'c'olal tzac' d'ayin?

1 Cr 17:16 ပူးပေါင်းရင်းမြစ်များ

Gn 32:10

Caw man̈ in mojc tzac' a chamc'ojlal 'ayin, yet' a wach'c'ojlal 'aych wet'oc. 'Ix in ej 'e't 'a a Jordán yic cojn jun in c'occh wet'i, ax ticnec chab' xo camplamento tzin 'aj 'el'chi, 'ayx pax tas 'ay 'ayin.

A Ch'an̈ Schab'l Libro Samuel 7:18

Yuj cha, 'ix 'och rey David, 'ix 'em wocn paxtinc 'a yojltac Jehová xyaln 'ixtic: Mamin Jehová Wajlil, ¿tas wal wilx tzela? An̈jtona', ¿tas pax yilx eb' in mam wicham, yuj cha, in a'n 'och 'a jun niwquil 'opiso tic?

A Ch'an̈ Schab'il Libro Yic Yab'ixal Eb' Rey 19:14

'Ix schaj win rey Ezequías ch'an̈ carta 'a eb' schecb' sreyl chon̈b' Asiria, 'ix yawtn win ch'an̈. Xlajw cha, 'ix 'at 'a yatut Jehová 'ix squen̈n 'ejm win ch'an̈ 'a yojltac Jehová.

1 Cr 17:15

Xlajw cha, 'ix yaln Natán smasnil jun tzo'n̈ tic 'a David, 'icha wal 'ix yutj yilni mto yab'ni, 'ixta xyutj yalni.

1 Cr 17:17

Man̈ocn̈ej jun tic ach in Diosal, palta wan aln can 'ayin to 'oj ac' a wach'c'ojlal 'a yib'n̈ eb' win̈tl yic b'aq'uin̈. Lajn xoj tzin otj in eln 'och 'icha jun tzo'n̈ niwc winac.

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

2 Cr 1:8

'Ix yaln Salomón 'a Dios 'ixtic: Ach tic Mamin, yel xo xa chamc'ojlej David, atn in mam, an xo in a'cn 'och reyl sjeloc.

Salmos 144:3

Mamin Jehová, ¿tas wal quel'ch an̈ 'anman̈ tic 'ayach, yuj cha, tzon̈ a nani? ¿Tas wal qui wach'il, yuj cha, ya'ilb'iln̈ o'oj?

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Jueces 6:15

—'A'n niwnc'ojlal jun 'ejm xo mamin. ¿Tas 'oj wutc in coln 'el eb' wit chon̈b' tic? Yujto an tic, caw wal meb'a in yet' eb' win̈tl 'a scal eb' yin̈tl Manasés. Slajb' 'unn xoj pax waj 'a scal eb' wu'tac, xchi Gedeón.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.

A Ch'an̈ B'ab'el Libro Samuel 9:21

'Ix ta'w Saúl 'a 'ixtic: —Palta an tic, ata tzcot win̈tl 'a eb' yic Benjamín. Yel xo wal jaywn̈ej sb'ey eb' win̈tl chi 'a scal eb' yin̈tl Israel. An̈jtona', caw may pax wel'ch yet' eb' wican chi 'a scal pax eb' yin̈tl Benjamín cha. ¿Tas pax yuj a 'ayn tzal jun tic? xchi.