1 Cr 16:41 - Chuj San Sebastian Bible

⁴¹ A yet' eb' cha, 'ix can win Hemán, win Jedutún yet' jaywn̈ eb' si'x 'eli. X'ajx can 'och 'a yib'n̈ eb' sb'itn 'ixtic: Alx cab' wach' paxti 'a Jehová, yujto 'ay schamc'ojlal 'a smasnil tiempo, xchi eb' 'a sb'it cha.

Chuj San Mateo Bible

⁴¹ A yed' eb' vin̈ sacerdote chi', ix can pax vin̈aj Hemán, vin̈aj Jedutún yed' pax jayvan̈xo eb' vin̈ sic'b'ileli yic sb'itan eb' vin̈, syalan eb' vin̈ icha tic: Calec vach' lolonel d'a Jehová, yujto tzon̈ xajanej d'a masanil tiempo, xchi eb' d'a sb'it chi'.

1 Cr 16:41 ပူးပေါင်းရင်းမြစ်များ

1 Cr 12:31

'A spacl eb' yin̈tl Manasés 'ay wajxclajn̈e mil winac, tox 'ix can 'a yib'an̈, yic tz'at ya'nc 'och eb' David 'a reyal.

1 Cr 15:17

Yuj cha, a 'a scal eb' yin̈tl Leví 'ix si'x 'elt eb' tic yic tzyucn eb' q'uen platillo nab'a bronce: Atn Hemán yunnal Joel, yet' jun yican tzcuch Asaf, yunnal Berequías, Etán, yunnal Cusaías. A eb' tic yin̈tl Merari eb'. 'Ix si'x pax 'och jun tzo'n̈ xo eb' levita colwjoc yet' eb'. A eb' tzyucn jun tzo'n̈ arpa cotc sjaj: atn Zacarías, Jaaziel, Semiramot, Jehiel, Uni, Eliab, Benaía. Ax eb' tz'a'n 'och arpa niwquil sjaj, atn Maasías, Matatías, Elifelehu, Micnías, Azazías. Eb' tan̈m puerta, atn Obed-edom yet' Jeiel.

1 Cr 16:34

Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

1 Cr 16:37

Xlajw cha, xya'n can 'och David yopiso win Asaf yet' eb' ajun yet'oc, sec wach' a eb' tz'iln te scaxail strato Jehová 'a junjn c'u, a tzyal tas tzc'anx ta'.

1 Cr 6:33

A eb' 'ayc' yet' yunnal ta', atn eb' yin̈tl Coat, a Hemán a tzjucb'tzan eb' 'a b'it; a stzolil tzchaj 'at 'a smam, masnto 'a slajb' smam 'icham, atn eb' tic: Joel, Samuel, Elcana, Jeroham, Eliel, Toa, Zuf, Elcana, Mahat, Amasai, Elcana, Joel, Azarías, Sofonías, Tahat, Asir, Ebiasaf, Coré, Izhar, Coat, Leví, Israel.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

2 Cr 5:13

Xlajw cha, junn̈j xyutj eb' yutz'n strompeta cha, junn̈j xyutj eb' sjaj sb'itni, junn̈j xyutj pax eb' yaln wach' paxti', yuj yaln eb' yuj diosal 'a Jehová. 'Ix 'utz'x trompeta, 'ix yucx platillo, yet' jun tzo'n̈ xo yamc'ab', yic tz'och b'it 'a Dios. Ya' sb'a wan sb'itn eb', 'ix yaln eb' 'ixtic: Calc wach' paxti 'a Jehová, yujto yel xo wach' snab'en, yujto 'ay schamc'ojlal 'a jun 'ejmn̈ej, xchi eb' 'a sb'it. A 'a yic jun rato cha, 'ix macchj 'el yol yatut Jehová chi yuj jun 'asun.

2 Cr 7:3

A wal yic 'ix yiln smasnil eb' israel yeml jun c'ac' yet' stzictznil Jehová 'a yib'n̈ jun n̈a cha, 'ix 'em cumn eb', squiln 'ejm eb' snan̈l sat 'a sat lum yaln sb'a, yuj yaln eb' yuj diosal 'a Jehová, tzyaln eb' 'ixtic: Caw wach' snab'en, a schamc'ojlal may b'a'n̈ 'ay slajub', xchi eb'.

Esdras 3:11

'Ay mach tzb'itni yuj yaln wach' paxti', 'ay pax mach tzaln 'ixtic: Calc yuj diosal 'a Jehová, yujto caw wach' snab'en, yujto a schamc'ojlal 'ayn̈ec an̈ israel on̈c tic, may b'a'n̈ 'ay slajub', xchi eb'. Ax smasnil eb' chon̈ab', caw wal tzalj eb' yaln wach' paxti 'a Jehová, yujto 'ix 'el yich jun munljel cha.

Esdras 8:20

'Ix jaw pax 220 eb' tz'a'n cuenta yatut Dios. A eb' cha yin̈tl can eb' 'ac'b'il 'och yuj rey David yet' eb' 'aych yajlil yet'oc yic tzcolwj eb' yet' eb' levita 'a smunljel. Smasnil jun tzo'n̈ eb' tic, tz'ib'b'il sb'i eb' 'a jun lista.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Salmos 106:1

¡Alx cab' wach' paxti 'a Jehová! Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

Salmos 136:1

¡Alx cab' wach' paxti 'a Jehová, yujto caw wach' snab'en! A schamc'ojlal Dios 'ayn̈j 'a smasnil tiempo.

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Salmos 77:1

Caw 'ip 'ix wal in b'a 'a Dios, sec tzyab' tas tzwala.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Ez 40:44

Ax 'a yol 'elt sti jun puerta 'a yojl 'och cha, 'a 'aj 'ay jun yamq'uil sti cha, ata 'ay chab'x cuarto. Jun 'ay 'a stz'ey puerta 'a stojlal norte q'ueln 'at 'a stojlal sur; ax junx 'ay 'a stz'ey puerta 'a stojlal sur q'ueln 'at 'a stojlal norte.

Nm 1:17

A 'a yic b'ab'l c'u yic schab'l 'ujl yoch jun ab'il cha, 'ix syamb'tzan Moisés yet' Aarón jun tzo'n̈ eb' winc tic, to caw a Dios si'n 'elt eb', an̈jtona', syamb'tzan eb' smasnil eb' chon̈ab'. 'Ixta 'ix 'aj sq'ue wan sb'isl smasnil eb' israel. Stzol-l x'aj stz'ib'x sb'i eb', atn eb' 'aych 'a junc'l ab'il sq'uinal yet' 'a yojltac, a tzyal smacquixtacl yaj yin̈tl eb',

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.