1 Cr 16:38 - Chuj San Sebastian Bible

³⁸ 'Ix can pax Obed-edom yet' 68 eb' ajun yet'oc yic tzcolwj eb' yet' eb'. A pax Obed-edom yunnal Jedutún, yet' Hosa, a eb' xcan stan̈wn̈c spuertail mantiado cha.

Chuj San Mateo Bible

³⁸ Ix canpax vin̈aj Obed-edom yed' 68 eb' vin̈ ajun yed' vin̈ yic scolvaj eb' vin̈ yed' eb' vin̈. Axo pax vin̈aj Obed-edom yuninal vin̈aj Jedutún yed' vin̈aj Hosa, a eb' vin̈ ix tan̈vancan spatil chi'.

1 Cr 16:38 ပူးပေါင်းရင်းမြစ်များ

A Ch'an̈ Schab'l Libro Samuel 6:10

Yujto man̈x 'ic snib'j David xyij cot te scaxail strato Jehová chi 'a yol chon̈ab', yuj cha, xya'n David 'ijxoc can 'at te 'a yatut Obed-edom, win 'aj Gat.

A Ch'an̈ Schab'il Libro Yic Yab'ixal Eb' Rey 7:10

Xlajw cha, 'ix 'at eb'. Ax yic xc'och eb', 'ix 'awj eb' 'a eb' tztan̈wni spuertail chon̈ab', 'ix yaln eb' 'ixtic: —An̈ tic on̈, on̈ xit'c 'a scamplamento eb' sirio on̈. Man̈x 'a junc mach 'ayq'ui, man̈x 'a junc mach tzcab' spaxtini. Cojxn̈ej no chej, no b'uru pixn cani, ax scamplamento eb', yajn̈j yaj 'icha xon yaj sb'on chan̈ eb', xchi eb'.

1 Cr 13:14

A te scaxa Dios cha, 'ix can te 'oxe 'ujl 'a yatut win Obed-edom. Caw 'ix yac' Jehová yaxilal 'a yib'n̈ win yet' eb' cajn 'a yol yatut, yet' 'a yib'n̈ smasnil tastc 'ay 'a 'a.

1 Cr 25:3

'A scal eb' yunnal Jedutún, wacwn̈ sb'ey eb': atn Gedalías, Seri, Jesaías, Simei, Hasabías yet' Matatías. A mach tzjucb'tzan eb', atn Jedutún smam eb', a tzaln 'el spaxti Dios yet' jun tzo'n̈ arpa yic tz'och b'it yic tzalx yuj diosal yet' yic tzalx pax wach' paxti 'a Jehová.

1 Cr 26:10

A eb' yunnal Hosa atn yin̈tl Merari: a Simri, a yajl yaji, wach'xam man̈oc b'ab'l 'unnab'il yaji, palta a smam a 'ix 'a'n 'och yajlil.