1 Cr 16:2 - Chuj San Sebastian Bible

² A yic 'ix lajw yajx jun tzo'n̈ xajmb'al cha, 'ix yaln David swach' paxti 'a yib'n̈ smasnil eb' chon̈b' 'a sb'i Jehová.

Chuj San Mateo Bible

² Ix lajvi chi' ix yalan vach' lolonel vin̈ rey chi' d'a yib'an̈ masanil eb' anima d'a sb'i Jehová.

1 Cr 16:2 ပူးပေါင်းရင်းမြစ်များ

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Gn 47:10

Xlajw cha, xyaln can Jacob wach' paxti 'a yib'n̈ win rey cha, xlajw xoj cha, x'elt 'a yol sdespacho winac.

Gn 47:7

Xyi'n pax 'at José smam 'a yojltac win rey, sec wach' tzyojquej 'el winac; 'ix ya'n Jacob stzatzl sc'ojl win rey cha.

A Ch'an̈ Schab'l Libro Samuel 6:18

Ax yic xlajw ya'n jun tzo'n̈ xajmb'al cha, 'ix yaln wach' paxti 'a yib'n̈ chon̈b' Israel 'a sb'i Jehová, jun tzta'n̈j yuj smasnil.

1 Cr 16:1

'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios.

1 Cr 16:3

Xlajw cha, xya'n win junjn pan yet' junjn xiln̈ chib'ej, yet' pax junjn pachn̈ tacn̈ uva 'a smasnil eb' winac yet' 'a eb' 'ix 'ix.

2 Cr 29:29

A yic xlajw jun tzo'n̈ cha, 'ix 'em cumn win rey Ezequías chi yaln sb'a, yet' smasnil eb' 'ayc' yet'oc.

2 Cr 30:27

Xlajw cha, 'ix q'ue wan lin̈n eb' ya'mal 'och sti eb' 'anma 'a Dios yet' eb' yit levitail, yic tzc'ann eb' syaxilal Jehová 'a yib'n̈ eb' chon̈ab'. Caw 'ix 'ab'x slesl eb' chi 'a satcha'an̈, atn 'a 'aj cajn Dios.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Lv 1:3

Toto wacx no tzyac' xajmb'al-l cha, a wal junc no quelm wacx caw wach' may spaltail, a tzyij cot 'a wojltac 'a yamq'uil Mantiado.

A Ch'an̈ Carta D'a Eb' Hebreo 7:7

Cojquec, a mach tzc'ann swach'c'ojlal Dios 'a yib'n̈ junc xo mach, wal yel, yel xo niwn yel'ch 'a yib'n̈ jun 'aj tzc'an cot swach'c'ojlal Dios cha.

Josué 22:6

A yic xlajw yaln can jun tzo'n̈ tic, xyaln can Josué wach' paxti 'a yib'n̈ eb', xyaln can pax sb'a eb' 'a 'a. Xlajw cha, xmeltzj eb' 'a 'aj 'aycn yet'l cha.