1 Cr 16:1 - Chuj San Sebastian Bible

¹ 'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios.

Chuj San Mateo Bible

¹ Ix ac'jioch te' scaxail strato Dios chi' d'a yol jun mantiado b'ob'ilxoq'ue yuj vin̈aj rey David chi'. Ix lajvi chi' ix sn̈usan juntzan̈ silab' eb' stz'a smasanil yed' juntzan̈ silab' yic junc'olal yed' Dios.

1 Cr 16:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:15

Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.

A Ch'an̈ B'ab'el Libro Yic Yab'ixal Eb' Rey 8:62

Xlajw cha, xya'n win rey yet' smasnil eb' israel xajmb'al 'a Jehová.

1 Cr 15:1

'Ix ya'n David b'o jun tzo'n̈ xo yatut 'a jun lugar tzcuch Schon̈b' David. Xlajw cha, 'ix ya'n b'o pax 'aj wach' tzcan te scaxail strato Dios, ata sb'o 'a yojl jun mantiado 'ix b'o cha'an̈.

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

1 Cr 15:3

'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

1 Cr 16:2

A yic 'ix lajw yajx jun tzo'n̈ xajmb'al cha, 'ix yaln David swach' paxti 'a yib'n̈ smasnil eb' chon̈b' 'a sb'i Jehová.

1 Cr 6:16

A eb' yunnal Leví: atn Gersón, Coat yet' Merari.

2 Cr 1:4

Palta a David yijnacx cot te scaxail strato Dios 'a Quiriat-jearim, 'ix ya'n can 'och 'a jun Mantiado b'ob'il yuj 'a Jerusalén.

Salmos 132:8

Mamin Jehová, cotn̈ mu'c yet' scaxail a trato tzch'oxn 'el a poder, tzach 'at yet' 'a jun lugar 'aj tzb'o et'l 'aj 'oj a cani.

Lv 3:9

A mach tz'a'n jun xajmb'al cha, yowlal tzyij 'el jun tzo'n̈ tic 'a no' yic tzya'n tz'a 'a wojltac: No sn̈e smasnil, xepual no yol sc'ojl smasnil,