1 Cr 15:3 - Chuj San Sebastian Bible

³ 'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

Chuj San Mateo Bible

³ Yuj chi' ix yavtejcot masanil eb' yetisraelal vin̈, ix smolb'ej sb'a eb' d'a Jerusalén, yic sb'at ic'chajcot te' scaxail strato Jehová yic tz'ochcan te' d'a jun lugar b'ob'ilxo yuj vin̈.

1 Cr 15:3 ပူးပေါင်းရင်းမြစ်များ

A Ch'an̈ Schab'l Libro Samuel 6:12

Ax yic 'ix alx yab' rey David chajtlto yujn̈ej wal te scaxail strato Dios cha, yuj cha, tzya'n Jehová syaxilal 'a yib'n̈ Obed-edom yet' 'a yib'n̈ smasnil tas 'ay 'a 'a, yuj cha, x'at yi'nc pax David chi te caxa chi 'a yatut win Obed-edom cha. Yet' wal tzaljc'ojlal xyi'n cot David chi te 'a yol schon̈ab'.

A Ch'an̈ Schab'l Libro Samuel 6:17

Ax yic xjaw te scaxail strato Jehová chi yuj eb', 'ix sb'on 'och eb' 'a yet'l 'a yol jun Mantiado b'ob'il yuj David cha. Xlajw cha, xya'n David tz'a no xajmb'al, yet' no xajmb'al yic junc'ojlal 'a yojltac Jehová.

A Ch'an̈ B'ab'el Libro Yic Yab'ixal Eb' Rey 8:1

Xlajw cha, xya'n Salomón syam sb'a smasnil eb' yichm wincal chon̈b' Jerusalén, smasnil eb' yajl yaj 'a junjn 'in̈tal, yet' eb' yajl yaj 'a junjn macn̈ eb' israel, yic tz'at yi'nc cot eb' te scaxail strato Jehová 'a Schon̈b' David, atn pax jun tzcuch Sión.

1 Cr 13:2

'Ix yaln David chi 'ixtic: Ex wit chon̈ab', toto tzchaj e c'ojl ax tic, toto tzchaj pax sc'ojl Jehová qui Diosalec, cawtquec cot smasnil eb' quit israelal 'a yol qui macb'enec tic: eb' to 'ayt can 'a jun tzo'n̈ xo lugar, eb' ya'mal 'och sti eb' 'anma 'a Dios, eb' levita to 'ayc' 'a schon̈ab' yet' pax 'a 'aj tzwa scajb'en noc' eb'. Junn̈j tzcutjec qui b'a yet' eb',

1 Cr 13:5

Xlajw cha, 'ix ya'n David syam sb'a smasnil eb' yit israelal 'a smasnil yol smacb'en. Tzchaj cot 'a Sihor 'a smon̈jonal yic Egipto, masnto 'a 'aj tzon̈ 'och 'a Hamat, yic tz'at 'ijxc cot te scaxail strato Dios chi 'a Quiriat-jearim, tzcuch pax Baala, ata 'ay 'a yol yic Judá.

1 Cr 15:1

'Ix ya'n David b'o jun tzo'n̈ xo yatut 'a jun lugar tzcuch Schon̈b' David. Xlajw cha, 'ix ya'n b'o pax 'aj wach' tzcan te scaxail strato Dios, ata sb'o 'a yojl jun mantiado 'ix b'o cha'an̈.

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

1 Cr 16:1

'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios.

2 Cr 1:2

Xlajw cha, 'ix yawtn Salomón smasnil eb' yit israelal: atn eb' syajlil eb' soldado, eb' juez, smasnil eb' yichm wincal chon̈ab', yet' eb' yajl yaj 'a scal eb' yican, atn eb' niwn yel'ch yopiso 'a chon̈b' Israel.

2 Cr 1:4

Palta a David yijnacx cot te scaxail strato Dios 'a Quiriat-jearim, 'ix ya'n can 'och 'a jun Mantiado b'ob'il yuj 'a Jerusalén.

2 Cr 5:2

Xlajw cha, 'a yic sc'ul q'uin̈ yic yucl 'uj 'a jun ab'il cha, xya'n Salomón syam sb'a smasnil eb' yichm wincal chon̈b' Israel 'a Jerusalén, atn smasnil eb' yajl yaj 'a scal junjn 'in̈tal, yet' smasnil eb' niwn yel'ch 'a scal junjn macn̈ eb' israel cha. 'Ix syam sb'a eb' yic tz'ijx cot te scaxail strato Jehová 'a Sión, atn Schon̈b' David.

Ex 40:20

Xya'n 'ajxocq'ue junx slan̈l yib'n̈ mantiado cha. Xlajw cha xyi'n cot Moisés chi chapachn̈ q'uen q'uen 'aj tz'ib'b'il 'och lajn̈e checnb'il, xya'n 'ejm 'a yojl te scaxail trato. Xya'n 'och te can̈nub' tzb'achn b'ey jun caxa cha, xya'nq'ue smacl sti yib'an̈. Xlajw cha, xya'n 'ajxoc 'och 'a yojl scajnub' Dios, xya'n locxocq'ue te cortina tz'och yen̈loc te caxa cha, 'icha wal yaj yaln Jehová 'a 'a.

Lv 9:5

'Ix yij cot eb' israel smasnil tas 'ix yal Moisés, 'ix c'och eb' yet' 'a yamq'uil Mantiado. Syamnsb'a smasnil eb' chon̈ab', x'och lin̈n eb' 'a yojltac Jehová.