1 Cr 15:14 - Chuj San Sebastian Bible

¹⁴ Yuj cha, 'ix sacb'tzan sb'a eb' ya'mal 'och sti eb' 'anma 'a Dios yet' eb' yit levitail eb', sec wach' tztac' yi'n cot eb' te scaxail strato Jehová sDiosal chon̈b' Israel.

Chuj San Mateo Bible

¹⁴ Yuj chi', ix sacb'itan sb'a eb' vin̈ icha yalan ley, yic vach' syal yic'ancot te' scaxail strato Jehová sDiosal Israel chi' eb' vin̈.

1 Cr 15:14 ပူးပေါင်းရင်းမြစ်များ

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

1 Cr 15:15

A yet' b'achte 'ix yij cot eb' te 'a sjolm squelab', 'icha yutjnac Moisés yaln yuj Jehová.

2 Cr 29:15

B'ab'el 'ix ya'cn eb' syam sb'a eb' yican, 'ix sacb'tzan sb'a eb' smasnil. Xlajw cha, 'ix 'och eb' 'a yol yatut Jehová, yic tzsacb'tzan eb' 'icha xyutj win rey yalni, 'icha pax yaj yaln Jehová.

2 Cr 29:34

Palta ax eb' ya'mal 'och sti eb' 'anma 'a Dios jaywn̈ej eb', yuj cha, matz tza'wni eb' spatz'n 'el no xajmb'al to tz'a smasnil cha. Yuj cha, 'ix colwj eb' yit levitail eb' yet'oc, masnto xlajw jun munljel chi sb'on eb', 'ix sacb'tzej sb'a jun tzo'n̈ xo eb' ya'mal 'och sti eb' 'anma 'a Dios. A eb' levita, yajn̈j cha schan sc'ojl eb' sacb'tzan sb'a 'a yib'n̈ eb' ya'mal 'och sti eb' 'anma'.

2 Cr 5:11

'Ix 'elt eb' ya'mal 'och sti eb' 'anma chi 'a yol scajnub' Dios, yujto smasnil eb', tox 'ix sacb'tzej sb'a eb', wach'xam man̈ stzol-loc xyutj eb' yi'n 'elt smacul.

Nehemías 12:30

Xlajw cha, 'ix sacb'tzan sb'a eb' ya'mal 'och sti eb' 'anma 'a Dios yet' eb' levita. 'Ix sacb'tzan pax sb'a eb' chon̈ab', 'ixta to b'i'an 'ix sacb'tzan eb' spuertail chon̈ab' yet' smuroal.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.