1 Cr 15:12 - Chuj San Sebastian Bible

¹² 'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

Chuj San Mateo Bible

¹² Ix yalan vin̈ d'a eb' vin̈ icha tic: A ex levita ex tic, yajal eyaj d'a scal masanil eb' e c'ab' eyoc, b'oec e b'a icha yalan ley yed' masanil eb' e c'ab' eyoc, yic syal eyic'ancot te' scaxail strato Jehová co Diosal, yic tz'ochcan te' d'a jun lugar b'ob'il vuuj.

1 Cr 15:12 ပူးပေါင်းရင်းမြစ်များ

1 Cr 15:1

'Ix ya'n David b'o jun tzo'n̈ xo yatut 'a jun lugar tzcuch Schon̈b' David. Xlajw cha, 'ix ya'n b'o pax 'aj wach' tzcan te scaxail strato Dios, ata sb'o 'a yojl jun mantiado 'ix b'o cha'an̈.

1 Cr 15:14

Yuj cha, 'ix sacb'tzan sb'a eb' ya'mal 'och sti eb' 'anma 'a Dios yet' eb' yit levitail eb', sec wach' tztac' yi'n cot eb' te scaxail strato Jehová sDiosal chon̈b' Israel.

1 Cr 15:3

'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

1 Cr 16:1

'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios.

1 Cr 24:31

An̈jtona pax eb' tic, suerteal 'ix yutj eb' schan yopiso, 'icha 'ajnc eb' yican eb', atn eb' yin̈tl Aarón, a 'a yojltac rey David, Sadoc, Ahimelec, eb' yajl yaj 'a eb' yin̈tl eb' ya'mal 'och sti eb' 'anma 'a Dios, yet' 'a eb' yajl yaj 'a eb' yin̈tl Leví. Lajn 'ix 'aj yajx yopiso eb' yin̈tl win b'ab'l winac, yet' 'a eb' yin̈tl win slajub'.

1 Cr 9:34

Atn eb' tic yajl yaj 'a yib'n̈ smasnil yin̈tl eb' levita, a tzyal yaj stzol-l yin̈tl eb', ata cajn eb' 'a Jerusalén.

2 Cr 1:2

Xlajw cha, 'ix yawtn Salomón smasnil eb' yit israelal: atn eb' syajlil eb' soldado, eb' juez, smasnil eb' yichm wincal chon̈ab', yet' eb' yajl yaj 'a scal eb' yican, atn eb' niwn yel'ch yopiso 'a chon̈b' Israel.

2 Cr 1:4

Palta a David yijnacx cot te scaxail strato Dios 'a Quiriat-jearim, 'ix ya'n can 'och 'a jun Mantiado b'ob'il yuj 'a Jerusalén.

2 Cr 30:15

A 'a schan̈lajn̈il c'u yoch schab'l 'uj cha, smiln cham eb' e no quelm calnelu yic q'uin̈ cha. Ax eb' ya'mal 'och sti eb' 'anma 'a Dios yet' eb' levita, caw 'ix q'uixw 'el eb', yuj cha, 'ix sacb'tzan sb'a eb'. 'Ix yi'n 'at eb' no xajmb'al to tz'a smasnil 'a yatut Jehová.

2 Cr 35:6

yic tze miln cham no quelm calnelu yic q'uin̈ tic yet' eb'. Yuj cha, sacb'tzejec e b'a, yet' tas to yowlal tzsacb'tzaxi, sec wach' 'oj stac' syiclni eb' quit israelal smasnil tas yaljnac can Moisés yuj Jehová, xchi win rey.

2 Cr 5:11

'Ix 'elt eb' ya'mal 'och sti eb' 'anma chi 'a yol scajnub' Dios, yujto smasnil eb', tox 'ix sacb'tzej sb'a eb', wach'xam man̈ stzol-loc xyutj eb' yi'n 'elt smacul.

2 Cr 5:2

Xlajw cha, 'a yic sc'ul q'uin̈ yic yucl 'uj 'a jun ab'il cha, xya'n Salomón syam sb'a smasnil eb' yichm wincal chon̈b' Israel 'a Jerusalén, atn smasnil eb' yajl yaj 'a scal junjn 'in̈tal, yet' smasnil eb' niwn yel'ch 'a scal junjn macn̈ eb' israel cha. 'Ix syam sb'a eb' yic tz'ijx cot te scaxail strato Jehová 'a Sión, atn Schon̈b' David.

Nehemías 13:22

Xlajw cha, xwaln 'a eb' levita to tzsacb'tzej sb'a eb', yic tz'at eb' 'at stan̈wc puerta cha, sec wach' matz tz'ixtx 'el sc'ul 'iljelal. Yuj cha, xwaln 'ixtc 'a in lesal: Ach in Diosal, nan cot yuj jun tzo'n̈ tic, 'o'ch cab' 'a c'ojl 'ayn yuj a wach'c'ojlal, xin chi.

Is 52:11

'Eln̈ecta, 'eln̈ect 'a yol schon̈b' eb' 'aj Babilonia, man̈ eyam tas man̈ wach'c 'ay 'a jun chon̈b' cha. A mach tz'i'nb'ey jun tzo'n̈ yamc'ab' yic Jehová, man̈x eya't e b'a 'a scal maysch'olnil.

Ez 48:11

A junc'aj lum cha, yic eb' ya'mal 'och sti eb' 'anma yaj lu'um, atn eb' yin̈tl can win Sadoc, yujto an̈ja in ya'n servil eb', ma'in yactj can eb' yic xyi'n 'el sb'a eb' yit israelal eb' chi 'a in tz'ey. Al pax jun tzo'n̈ xo eb' levita jun, 'ix 'och tza'n eb' yuj sb'eyb'al eb' israel cha.

Jn 17:17

Ach tza wach' tojlb'tzej snab'en eb' yet' a paxti caw yel. Cojxn a paxti chi caw yel.