1 Cr 14:3 - Chuj San Sebastian Bible

³ 'Ix yi'n David chi jun tzo'n̈ xo eb' 'ix 'ix yistloc 'a Jerusalén, yuj cha, caw 'ayt yunnal yet' yisl x'alj yet' eb' 'ix.

Chuj San Mateo Bible

³ Ay juntzan̈xo eb' ix yetb'eyum vin̈aj rey David ix yic' d'a Jerusalén, yuj chi' ayto yuninal vin̈ yed' yisil ix alji yed' eb' ix.

1 Cr 14:3 ပူးပေါင်းရင်းမြစ်များ

A Ch'an̈ Schab'l Libro Samuel 5:13

A yic yel David 'a chon̈b' Hebrón, yic xc'och 'a Jerusalén, 'ayt jun tzo'n̈ xo eb' 'ix 'ix x'och yistzilc ta', yuj cha, til to wal yunnal, yet' eb' yisl x'alj to yet' eb' 'ix 'ix cha.

A Ch'an̈ B'ab'el Libro Yic Yab'ixal Eb' Rey 11:3

'Ix juw snab'en win yuj eb' 'ix. 'Ay uque ciente eb' 'ix yistl win cha. A eb' 'ix cha, yisl ewin rey eb' 'ix smasnil. 'Oxe ciente eb' 'ix schab'l 'istl winac.

1 Cr 14:2

Yuj cha, 'ix nachj 'el yuj David chajtlto a Jehová 'ix 'a'n 'och reyl 'a yib'n̈ chon̈b' Israel. Caw 'ix 'ijx chan̈ yopiso yujto 'ay schamc'ojlal Jehová 'a schon̈ab'.

1 Cr 14:4

A sb'i jun tzo'n̈ xo eb' yunnal David x'alj 'a Jerusalén, atn eb' tic: Samúa, Sobab, Natán, Salomón, Ibhar, Elisúa, Elpelet, Noga, Nefeg, Jafía, Elisama, Beeliada yet' Elifelet.

1 Cr 28:5

Til wal eb' wunnal 'ix yac' Jehová 'ayin, ax 'a scal smasnil eb' wunnal cha, a Salomón a 'ix si'cn 'eli, sec to a 'oj 'em wocn 'a despacho yic tzch'oxn 'el yopiso Jehová 'a yib'n̈ qui nacion̈.

Ec 9:9

Yujto tzab'n jab' qui q'uinlec 'ix yac' Dios, yuj cha, junjn mach tzalj cab' yet' yistzil chamc'ojlb'il yu'uj. Atn chi tz'ajx spacc 'ayn̈ec yuj Dios yic tzcab'nec syal qui munlj 'a yolyib'n̈q'uinl tic.

Malaquías 2:14

Tze c'anb'n 'ixtic: ¿Tas laj yuj matz cha'aj? xe chi. Matz cha'aj, yujto caw a Jehová 'ix 'ilni, to ma'ix eyac' 'el'choc e ti eya'jnac 'a eb' 'ix 'ix eyijnac e b'a yet' 'a yic quelmal, wach'xam a eb' 'ix 'ix cha, eyistzil cob' eb' 'ix, yic eya'n can e ti eyi'n eb' 'ix.

Mt 19:8

—Yuj e pital yaln can Moisés to tztac' e pojn e b'a yet' eyistzil. Palta yictax sb'on Dios yolyib'n̈q'uinal, man̈ 'ichcta yaj yu'uj.

Dt 17:17

An̈jtona', man̈ niwnoc cab' yistl win tzyi'aj, sec ma'oj juwc snab'en win yuj eb' 'ix. Man̈ niwnoc cab' q'uen oro, mto q'uen plata tzyamb'tzej.