1 Cr 14:11 - Chuj San Sebastian Bible

¹¹ 'Ix q'ue'ch David yet' eb' soldado 'a jun lugar tzcuch Baal-perazim, ata 'ix 'ajx ganar eb' filisteo yu'uj. Yajn̈ej 'ix yaln 'ixtic: 'Icha wal tzyutj sjacn a a sb'e, 'ixtnta 'ix yutj Jehová sjacn b'e 'ayn 'a scal eb' 'ajc'ojl yajch 'ayin, xchi. Yuj cha, xya'n scuch jun lugar chi Baal-perazim.

Chuj San Mateo Bible

¹¹ Yuj chi' ix q'ue vin̈aj rey David b'aj ayec' eb' filisteo chi'. Ata' ix ac'ji ganar eb' yuj vin̈. Ix yalan vin̈ icha tic: Icha val tz'aj sjacan sb'e junoc a' eluma', icha chi' ix aj sjacan b'e Jehová d'ayin d'a scal eb' vajc'ool, xchi vin̈. Yuj chi' Baal-perazim ix yac' vin̈ sb'iej jun lugar chi'.

1 Cr 14:11 ပူးပေါင်းရင်းမြစ်များ

A Ch'an̈ Schab'l Libro Samuel 5:20

Xc'och David 'a 'aj 'ay eb'; axta xyac' ganar yem eb' filisteo cha, yuj cha, xyaln 'ixtic: A Jehová a xjacn jun b'e 'a scal eb' 'ajc'ojl tic, 'icha wal tzyac' junc a 'elmal a', xchi. Xya'n can scuch jun lugar chi Baal-perazim.

1 Cr 14:10

'Ix sc'anb'n David 'a Dios 'ixtic: —¿Tztac' am wa'n owl yet' eb' filisteo tic? ¿'Oj a'ch am eb' 'a yol in c'ab'? xchi. 'Ix ta'w Jehová 'a 'ixtic: —'Ac' owl yet' eb', yujto an 'oj wa'ch eb' 'a yol a c'ab', xchi.

1 Cr 14:12

'Ix yactn can eb' filisteo jun tzo'n̈ sdiosal ta', ax David 'ix 'a'n n̈usxoc tz'a'oc.

Job 30:14

'Icha to 'ay junc oln 'aj x'oxt eb' 'a yich smuroal chon̈ab', mto 'icha tzyac' 'ic'n̈ab', 'ixta x'aj sjaw tza'njoc eb' 'ayin,

Salmos 144:1

¡Alx cab' wach' paxti 'a Jehová, yujto a 'aj tzin col in b'a! A tzin cuyni, tzya'n in jelnal sec tztechj wa'n owal.

Salmos 144:10

Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Ex 14:28

'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.

Mt 7:27

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Yuj cha, caw xc'an̈ yem junnjoc jun yatut cha, xchi Jesús 'a eb'.