1 Cr 13:7 - Chuj San Sebastian Bible

⁷ 'Ix ya'n q'ue eb' te scaxail strato Dios chi 'a yib'n̈ jun 'ac' careta. Xlajw cha, 'ix yi'n 'elt eb' 'a yol yatut Abinadab, ax win Uza yet' Ahío 'ix 'i'n b'ey jun careta cha.

Chuj San Mateo Bible

⁷ Ix yiq'uelta te' scaxail strato Dios chi' eb' d'a spat vin̈aj Abinadab, ix yac'anq'ue te' eb' d'a yib'an̈ jun te' ac' carreta. Axo vin̈aj Uza yed' vin̈aj Ahío, ix cuchb'an b'ey te' carreta chi'.

1 Cr 13:7 ပူးပေါင်းရင်းမြစ်များ

A Ch'an̈ Schab'l Libro Samuel 6:3

A 'a yatut win Abinadab, jun 'ayc' 'a tzalan, ata 'aycn scaxail strato Dios cha. Xya'n 'och eb' te 'a yol jun te careta caw wal 'a'to, xlajw cha, xyi'n cot eb'.

A Ch'an̈ Schab'l Libro Samuel 6:4

Ax win Uza yet' win Ahío, atn eb' yunnal win Abinadab, a eb' 'ajcuenta x'aj yi'n b'ey te careta cha. A win Ahío b'ab'l yuj te'.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

1 Cr 15:2

Xlajw cha, 'ix yaln David chi 'ixtic: A eb' man̈ levitaoc, matz tac' yi'n cot eb' te scaxa Dios, palta cojn eb' levita smoj yi'n cot te', yujto a eb' sic'b'il 'el yuj Jehová, yic tzyi'n cot eb' te caxa cha, cojn eb' tztac' ya'n servil Jehová 'a smasnil tiempo, xchi.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

A Ch'an̈ B'ab'el Libro Samuel 6:7

A ticnec, 'a'c b'o junc te 'ac' caruaje, tzeyi'n cot chawn̈oc no nun wacx 'ay yune', no may 'aj tzq'ue te yugo 'a sjolom. Tzeya'n stoc' e no te'. Man̈ e cha 'och tza'n e no cotc chi yuj snun cha. Tzeyij can meltzjoc e no', tze macn e no 'a yol scolal.