1 Cr 13:5 - Chuj San Sebastian Bible

⁵ Xlajw cha, 'ix ya'n David syam sb'a smasnil eb' yit israelal 'a smasnil yol smacb'en. Tzchaj cot 'a Sihor 'a smon̈jonal yic Egipto, masnto 'a 'aj tzon̈ 'och 'a Hamat, yic tz'at 'ijxc cot te scaxail strato Dios chi 'a Quiriat-jearim, tzcuch pax Baala, ata 'ay 'a yol yic Judá.

Chuj San Mateo Bible

⁵ Ix smolb'ej masanil eb' yetisraelal vin̈aj rey David d'a yol masanil smacb'en, scotn̈ej d'a a' Sihor d'a smojonal Egipto, masanto b'aj tzon̈ c'och d'a chon̈ab' Amat, yic sb'at ic'chajcot te' scaxail strato Dios d'a Quiriat-jearim,

1 Cr 13:5 ပူးပေါင်းရင်းမြစ်များ

A Ch'an̈ Schab'l Libro Samuel 6:1

Xya'n pax David syam sb'a smasnil eb' soldado to caw jeln 'a scal eb' yit israelal cha, 'ay lajn̈schawinc mil sb'isl eb'.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

1 Cr 13:4

'Ix yaln smasnil eb' chon̈ab' to tzb'o 'ixta', yujto schaj sc'ojl eb' jun nab'en cha.

1 Cr 13:6

Ajun smasnil eb' yit israelal David chi yet'oc, 'ix q'ue'ch 'a lum Quiriat-jearim, sec wach' to tz'ijx cot te scaxail strato Jehová Dios, atn jun 'ay q'ue sdespacho 'a yib'n̈ sjolm eb' querubín 'a 'aj tzb'inax sb'i.

1 Cr 15:3

'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

Is 23:3

Tzc'och eb' e manwjum chi 'a Sihor, tzmann eb' 'ixm trigo ta', atn 'ixm tz'el 'a sti a Nilo, tzlajw cha, tzchon̈n 'at eb' 'a jun tzo'n̈ xo nacion̈, atn ta tzeyij tas tzeyac' ganar.

Jeremías 2:18

Ax ticnec, ¿tas 'oj eyac' ganar, yuj cha, tzex 'at 'a Egipto yic tz'at eyu'nc a Nilo? ¿Tas 'oj eyac' pax ganar, yuj cha, tzex 'at 'a Asiria yic tz'at eyu'nc a Éufrates?

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

A Ch'an̈ B'ab'el Libro Samuel 6:21

'Ix ya'n 'at eb' 'anma chi schecb' 'a eb' 'aj Quiriat-jearim, 'ix yaln 'at eb' 'ixtic: A eb' filisteo, 'ix wul ya'x can eb' te scaxail strato Jehová, yuj cha, to tzwul eyi'x te', xchi eb'.

A Ch'an̈ B'ab'el Libro Samuel 7:1

'Ix jaw eb' 'aj Quiriat-jearim wul yic' te scaxail strato Jehová cha, axta xc'och yuj eb' 'a yol yatut win Abinadab, ata cajn win 'a jun lum tzalan. Ax jun yunnal win tzcuch Eleazar, a si'cn 'och eb' 'anma chi stan̈malc te scaxail strato Jehová cha.

A Ch'an̈ B'ab'el Libro Samuel 7:2

Junc'l ab'il xcan te caxa chi 'a chon̈b' Quiriat-jearim, ax smasnil eb' israel, 'ix tew 'och eb' wal 'a Jehová.