1 Cr 13:3 - Chuj San Sebastian Bible

³ sec tz'at qui'c cot te scaxail strato Jehová qui Diosalec, yujto atxo can 'a yol stiempoal Saúl, ata 'ix 'atcn satc'ojlal te cujec, xchi David cha.

Chuj San Mateo Bible

³ yic vach' b'at quic'cot te' scaxail strato co Diosal. Yujto atax d'a stiempoal vin̈aj Saúl ix b'atcan te' satc'olal cuuj, xchi vin̈aj David chi'.

1 Cr 13:3 ပူးပေါင်းရင်းမြစ်များ

1 Cr 13:2

'Ix yaln David chi 'ixtic: Ex wit chon̈ab', toto tzchaj e c'ojl ax tic, toto tzchaj pax sc'ojl Jehová qui Diosalec, cawtquec cot smasnil eb' quit israelal 'a yol qui macb'enec tic: eb' to 'ayt can 'a jun tzo'n̈ xo lugar, eb' ya'mal 'och sti eb' 'anma 'a Dios, eb' levita to 'ayc' 'a schon̈ab' yet' pax 'a 'aj tzwa scajb'en noc' eb'. Junn̈j tzcutjec qui b'a yet' eb',

1 Cr 13:4

'Ix yaln smasnil eb' chon̈ab' to tzb'o 'ixta', yujto schaj sc'ojl eb' jun nab'en cha.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

Salmos 132:6

A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.

A Ch'an̈ B'ab'el Libro Samuel 14:18

'Ix yaln Saúl 'a win Ahías 'ixtic: —'Ij cot te scaxail strato Dios, xchi. A 'a yic jun tiempoal cha, to ata 'ayc' te caxa chi yet' eb' israel.

A Ch'an̈ B'ab'el Libro Samuel 14:36

Xlajw cha, xyaln Saúl 'ixtic: —Coyc ca'c owl yet' eb' filisteo 'a jun 'ac'wl tic, ax qui'nec 'ec' smasnil tas 'a eb', masnto 'oj sacb'oc 'eli, ax qui miln cham eb' smasnil, man̈x 'a junc 'oj cactquec cani, xchi. —B'o tas tza nib'ej, xchi eb'. Palta 'ix yaln win ya'mal 'och sti eb' 'anma 'a Dios 'ixtic: —Ya' sb'a mantzac on̈ 'atec, qui c'anb'quec 'a Dios, xchi.

A Ch'an̈ B'ab'el Libro Samuel 22:10

Ax Ahimelec cha, 'ix sc'anb'j 'a Jehová yuj David, 'ix ya'n tas tzc'uxu, 'ix ya'n pax q'uen yespada can win Goliat 'a David cha, xchi.

A Ch'an̈ B'ab'el Libro Samuel 22:15

¿Tom at 'ijnoc in b'ab'l c'anb'n tic 'a Dios yuj win tza na'a? Ma'ay, man̈ 'ixta'oc. Yuj cha, may cab' tas tu tza nib'j a b'o 'ayn mamin rey, yet' pax 'a eb' wican in b'a yet'oc, yujto man̈ wojcoc an a checb' in tic tas yaj jun paxti tic, xchi.

A Ch'an̈ B'ab'el Libro Samuel 23:2

'ix 'at sc'anb'noc yab' 'a Jehová, 'ix yaln 'ixtic: —¿Tzam 'ac' in permiso tz'at wac' owl yet' jun tzo'n̈ filisteo cha? xchi. —Ixquec, 'a'c owl yet' eb' filisteo cha, tze coln can 'el jun chon̈b' Keila cha, xchi Dios.