1 Cr 12:40 - Chuj San Sebastian Bible

⁴⁰ An̈jtona pax eb' cajn 'a stz'ey eb', 'icha eb' yic Isacar, eb' yic Zabulón yet' eb' yic Neftalí, 'ix yij cot eb' tas tzc'uxx 'a yib'n̈ no b'uru, no cameyo, no mula, yet' pax no mam wacax. Til wal sc'ajquixtacl tas tzc'uxx 'ix yij cot eb'; atn 'ixm harina, tacn̈ higo, yal uva, aceite, no mam wacax, yet' no calnelu, caw 'ix yac' sobra, yujto til wal tzaljc'ojlal 'a chon̈b' Israel.

Chuj San Mateo Bible

⁴⁰ Masanil eb' cajan d'a slac'aniltac chi' yed' eb' cajan d'a najat, icha eb' yin̈tilal Isacar, eb' yin̈tilal Zabulón yed' eb' yin̈tilal Neftalí, ix yic'cot vael eb' cuchb'il yuj noc' b'uru, noc' camello, noc' mula yed' pax noc' vacax. Tzijtum macan̈il vael ix yic'cot eb', icha ixim harina, taquin̈ higo, taquin̈ uva, vino, aceite, noc' vacax yed' noc' calnel. Te nivan tas tz'ab'laj ix yic'cot eb', yujto man̈xo jantacoc tzalajc'olal d'a Israel chi'.

1 Cr 12:40 ပူးပေါင်းရင်းမြစ်များ

A Ch'an̈ Schab'l Libro Samuel 16:1

Jab' wal nant xpichlj 'ec' David 'a lum tzaln cha, 'ix jaw win Siba smoso Mefi-boset wul scha 'a yol b'e. Yet' win chawn̈ no b'uru, 'aych yictz e no', cuchb'il chab' ciente 'ixm pan yuj no', jun ciente c'ojlab' tacn̈ sat uva, jun ciente pax pan b'ob'il 'a te tacn̈ sat higo yet' jun no tz'um b'ut'n yet' te yal uva cha.

A Ch'an̈ B'ab'el Libro Yic Yab'ixal Eb' Rey 1:40

Xlajw cha, 'ix 'och tza'n eb' 'anma yu'uj, tzyutz'n eb' flauta, man̈x jantcoc tzaljc'ojlal, caw wal tzta'w lum witz yuj yel yaw eb'.

A Ch'an̈ Schab'il Libro Yic Yab'ixal Eb' Rey 11:20

'Ix tzalj chan̈ smasnil eb' 'anma', caw 'ix sic'b' sc'ojl eb', yujto a 'ix reina Atalía tox 'ix milx cham 'ix 'a yatut win rey cha.

1 Cr 12:39

'Oxe c'u 'ix can eb' yet' David chi ta'. 'Ix wa eb', xyu'j eb' tas xyuq'uej, yujto a eb' yit chon̈b' eb', sb'o eb' janctcn̈ej tas 'ix c'uxx cha.

1 Cr 13:1

Xlajw cha, 'ix paxtin David yet' eb' capitan̈ 'aych comandanteil 'a yib'n̈ junjn mil soldado, eb' 'aych capitan̈il 'a yib'n̈ junjn ciente soldado, yet' smasnil eb' yajl yaji.

1 Cr 29:22

A 'a yic jun c'u cha, 'ix wa eb', 'ix yu'n eb' tas tzyu'j 'a tzaljc'ojlal 'a yojltac Jehová. Xlajw cha, 'ix swach' 'a'n 'och eb' Salomón reyal, atn yunnal David. 'Ix ya'n q'ue eb' aceite 'a sjolm 'a yojltac Jehová, yic tz'och sreyloc eb', 'ix ya'n q'ue pax eb' aceite 'a sjolm Sadoc yic tz'och sat ya'malc 'och sti eb' 'a Dios.

Pr 11:10

A yic tzniwtj sb'isl eb' wach' sb'eyb'al, caw wal tzalj eb' chon̈b' yuj eb'; tzalj pax eb' yic tzcham eb' tu sb'eyb'al.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Os 3:1

'Ix yaln pax Jehová 'ixtc 'ayn an Oseas in tic: A ticnec, chamc'ojlej pax 'ix estzil, wach'xam sb'o 'ix 'ajmulal yet' eb' winc sc'umej. Palta to a 'ix tzwa'ch ch'oxnb'ilal 'a eb' et israelal, wach'xam xya'ch eb' israel snab'en 'a jun tzo'n̈ comn dios, xlaj yi'n 'at eb' te tacn̈ sat uva ofrendail 'a jun tzo'n̈ comn dios cha, palta 'oj in chamc'ojloc pax eb', xchi Dios 'ayin.

A Ch'an̈ B'ab'el Libro Samuel 25:18

Yajn̈j wal cha, xya'n 'ix Abigail chi 'ijxoc cot chab' ciente 'ixm pan, yet' chab' tz'um 'aj 'ay 'ejm yal uva, own̈ no b'olb'il calnelu, o'e 'echtab' 'ixm sat trigo c'an yaj sb'olxi, jun ciente c'ojlab' tacn̈ uva, yet' pax chab' ciente pachn̈ te tacn̈ higo. Yajn̈ej xya'n 'ajxoc 'och 'a yib'n̈ jun tzo'n̈ no b'uru,