1 Cr 12:39 - Chuj San Sebastian Bible

³⁹ 'Oxe c'u 'ix can eb' yet' David chi ta'. 'Ix wa eb', xyu'j eb' tas xyuq'uej, yujto a eb' yit chon̈b' eb', sb'o eb' janctcn̈ej tas 'ix c'uxx cha.

Chuj San Mateo Bible

³⁹ Oxe' c'ual ix ec' eb' yed' vin̈aj David chi' ta'. Ix va eb', ix yuc'an a' eb', yujto a eb' yetchon̈ab' eb' ix ac'an jantac tas ix sva eb' chi'.

1 Cr 12:39 ပူးပေါင်းရင်းမြစ်များ

Gn 26:30

Yic xlajw xpaxtin eb' cha, ax Isaac 'ix ya'n 'och jun niwquil q'uin̈, yuj cha, xwa eb' xyu'n eb' tas 'a tzaljc'ojlal.

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ Schab'l Libro Samuel 19:42

Ax smasnil eb' 'aj Judá, 'ix ta'w eb' 'a eb' yit israelal cha, 'ix yaln eb' 'ixtic: —'Ixta 'ix cutej yujto a win rey tic, quicanto qui b'a yet'oc, palta matz tac' tzcot eyowl yuj jun tic. ¿Tom yuj win rey tic ax qui wa 'on̈, toc wal 'ay jac tas tzquij 'a 'a? xchi eb'.

A Ch'an̈ Schab'l Libro Samuel 6:19

'Ix ya'n junjn 'ixm pan, yet' jab' b'olb'il chib'ej, yet' junjn te tacn̈ uva 'a smasnil eb' yit chon̈b' cha, xyac' 'a eb' winac yet' 'a eb' 'ix 'ix. Xlajw cha, 'ix meltzj junjn eb' 'a yatut.

1 Cr 11:10

Atn jun tzo'n̈ eb' soldado David niwn yel'ch tic, to 'ix 'och eb' yet' eb' yit israelal yic xya'n 'och eb' David reyl 'a yib'n̈ smacb'en chon̈b' Israel, 'ix yiptzan pax eb' 'a sreyal, 'icha wal 'ix yutj Jehová yalni.

1 Cr 12:38

A smasnil jun tzo'n̈ eb' soldado tic, caw xya'ch eb' sc'ojl s'at 'a owal. Yuj cha, stzol-l x'aj eb' s'at 'a Hebrón. Wal 'a smasnil sc'ojl eb', x'at eb' yic tz'at ya'nc 'och eb' David reyl 'a yib'n̈ smasnil eb' israel. An̈jtona jun tzo'n̈ xo eb' yit israelal eb', junn̈j yaj snab'en eb' yic' 'ix 'och David reyal.

1 Cr 12:40

An̈jtona pax eb' cajn 'a stz'ey eb', 'icha eb' yic Isacar, eb' yic Zabulón yet' eb' yic Neftalí, 'ix yij cot eb' tas tzc'uxx 'a yib'n̈ no b'uru, no cameyo, no mula, yet' pax no mam wacax. Til wal sc'ajquixtacl tas tzc'uxx 'ix yij cot eb'; atn 'ixm harina, tacn̈ higo, yal uva, aceite, no mam wacax, yet' no calnelu, caw 'ix yac' sobra, yujto til wal tzaljc'ojlal 'a chon̈b' Israel.