1 Cr 12:32 - Chuj San Sebastian Bible

³² 'A eb' yin̈tl Isacar, 'ay chab' ciente eb' yajal, 'ix jaw eb' yet' smasnil eb' winc tzyac' mandar. A jun tzo'n̈ eb' tic, caw wal tznachj 'el yuj eb' tas yowlal tzb'o chon̈b' Israel, b'a'n̈ pax 'oj 'el'choc.

Chuj San Mateo Bible

³² A d'a eb' yin̈tilal Isacar, ix javi 200 eb' vin̈ yajal yed' pax masanil eb' vin̈ soldado ayoch d'a yalan̈ smandar eb' vin̈. A juntzan̈ eb' vin̈ vinac tic, snachaj val el yuj eb' vin̈ tas smoj sc'ulej chon̈ab' Israel.

1 Cr 12:32 ပူးပေါင်းရင်းမြစ်များ

Gn 49:14

Ach xo ach tic Isacar, lajn ach wal 'icha junc no b'uru caw 'ay yip, tz'ilj 'a yol scolal.

1 Cr 12:31

'A spacl eb' yin̈tl Manasés 'ay wajxclajn̈e mil winac, tox 'ix can 'a yib'an̈, yic tz'at ya'nc 'och eb' David 'a reyal.

1 Cr 7:4

Yujto til wal yistzil eb', yunnal eb', yuj cha, niwn sb'isl yin̈tl eb'. 'Ay 36 mil eb' soldado to caw jeln ya'n owl 'a eb'.

Ester 1:13

'Ix yawtn cot win rey chi ucwn̈ eb' win 'aych yopiso yuj 'a Persia yet' 'a Media, to yipc'ojlal yaj eb' yuj winac, atn Carsena, Zetar, Admata, Tarsis, Meres, Marsena yet' Memucán. A eb' tic yojc eb' ley si'mb'il, caw jeln eb', yuj cha, a 'a eb' tzc'anb'j win rey junc snab'en yuj tas tzb'o'i.

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

Pr 24:5

Yel xo wach' yic junc jeln snab'en 'a yib'n̈ junc mach 'ay yip; yel xo pax wach' eyico' toto 'ay tas eyojtac, 'a yib'n̈ to 'ay cob' eyip.

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Is 33:6

'Oj ac' ste'nal eb', sjelnal eb', yet' snab'en eb'; a jun tzo'n̈ chi 'oj colnc 'el eb', ax yoch eb' yiclumal 'ayach, 'icha to 'oj 'och eb' ricoal o'oj.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Mt 16:3

'Ay 'aj tzeyal pax 'a junc sq'uin̈b'ial: A ticnec musan, caw q'uic' 'asun, 'oj yac' n̈ab', xe chi. Jeln ex ton eyiln jun tzo'n̈ 'asun, tzeyalni toto 'oj yac' n̈ab', mto ma'ay. 'Ay wal jun tzo'n̈ xo senya tzch'oxni, tas yaj jun tiempoal tic, palta 'in matz nachj 'el jun tzo'n̈ chi eyu'uj, yuj cha, caw chab'sat ex.

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

Dt 33:17

Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.