1 Cr 12:15 - Chuj San Sebastian Bible

¹⁵ A ewin tic, 'ix c'axw 'ec' eb' 'a a Jordán, 'a b'ab'l 'uj 'a yol ab'il, atn 'a yic 'ix q'uib' chan̈ a', yic xpultz'j 'el a 'a yol sb'e. A eb' 'anma cajn 'a jun tzo'n̈ pan̈n 'a'lic 'a stojlal 'aj tzq'uel c'u, yet' 'a stojlal 'aj tz'ejm c'u, 'ix pechx 'el eb' yuj ewinac.

Chuj San Mateo Bible

¹⁵ Aton eb' vin̈ ix c'axpajec' d'a a' Jordán d'a b'ab'el uj d'a yol ab'il, ayic ix te q'ue a', van yel a' d'a stitac b'aj sb'eyi. A eb' vin̈ ix pechanel eb' anima cajan d'a ac'lic ay d'a sc'axepaltac a'.

1 Cr 12:15 ပူးပေါင်းရင်းမြစ်များ

1 Cr 12:16

An̈jtona', 'ay pax jun tzo'n̈ eb' yin̈tl Benjamín, yet' eb' yic Judá, xwul ya'ch sb'a eb' yet' David yic 'ayc' 'a q'uen n̈aq'uen 'aj 'ayq'ui.

Jeremías 12:5

'Ix yaln Jehová 'ixtc 'ayin: Ach Jeremías, toto matz ach techj a'n carela yet' eb' tzb'ey 'a yoc, ¿tasto wal 'oj otc 'a lajb'tzan a b'ey yet' eb' 'ay q'ue 'a yib'n̈ chej? Toto tzach telw 'a lum 'a'lic caw wach' yec' sat, ¿tasto wal 'oj otc ec' 'a scal te c'ultc caw chitc 'a sti a Jordán?

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Josué 3:15

A 'a jun tiempoal cha, a a Jordán cha, caw wal b'ut'n a', tzlaj pultz'j 'el a 'a sb'e cha, (atn 'a stiempoal spolx 'ixm trigo 'a jun lugar cha.) A yic xc'och eb' 'et'jnac te caxa chi 'a sti 'a, cojn wal xya'n 'ejm eb' yoc 'a yojl a', 'ix 'och wan a'.

Josué 4:18

cojn wal yic xq'uet eb' 'a yojl a', 'ix ste'n 'ejm eb' yoc 'a 'aj taquin̈, ax a a cha, 'ix cotx can secnjoc a 'a sb'e 'aj tzb'eyi. 'Ix b'ut'j pax 'el sb'e a cha, caw tz'elx pulnjoc a 'a sb'e 'icha xoni.