1 Cr 11:6 - Chuj San Sebastian Bible

⁶ A David cha, yaljnacx 'ixtic: A mach 'oj b'ab'l milnc cham junc eb' jebuseo tic, a 'oj wa'ch syajlilc eb' soldado, xchi. Ax x'aji, a mach xb'ab'lji, atn Joab yune 'ix Sarvia, yuj cha, a x'och syajlilc eb' soldado.

Chuj San Mateo Bible

⁶ Ix yalan vin̈ icha tic: A mach ol b'ab'lajoch yac' oval yed' eb' jebuseo tic, ol vac'och yajaliloc eb' soldado, xchi vin̈. Axo vin̈aj Joab yune' ix Sarvia ix b'ab'laji, yuj chi' ix och vin̈ yajaliloc eb' soldado chi'.

1 Cr 11:6 ပူးပေါင်းရင်းမြစ်များ

A Ch'an̈ Schab'l Libro Samuel 2:13

Ax pax Joab win yune 'ix Sarvia, x'el yet' eb' soldado David 'a chon̈b' Hebrón, axta schaj sb'a yet' Abner 'a 'aj tzyam sb'a a a yic Gabaón. A chamacn̈ eb' soldado cha, 'ix 'och wan eb' 'aj tzyam sb'a a a cha, junjn macn̈ eb' 'a junjn sc'axpil 'ec' a'.

A Ch'an̈ Schab'l Libro Samuel 2:18

Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

A Ch'an̈ Schab'l Libro Samuel 20:23

'Ixta 'ix 'aj yoch Joab yajlil 'a scal smasnil eb' soldado yic Israel, ax Benaía yunnal Joiada, a yajl yaj 'a eb' quereteo, yet' 'a eb' peleteo.

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

A Ch'an̈ Schab'l Libro Samuel 8:16

A eb' 'ix ya'n yajlil yet'oc, atn eb' tic: Win Joab yune 'ix Sarvia, a win syajlil eb' soldado, Josafat win yunnal Ahilud, a tz'ib'n yab'xil tas tzb'o win rey.

A Ch'an̈ B'ab'el Libro Yic Yab'ixal Eb' Rey 1:7

Sb'o Adonías chi jun strato yet' Joab, yune 'ix Sarvia, yet' pax Abiatar ya'mal 'och sti eb' 'anma 'a Dios, 'ix ya'n 'och sb'a eb' yet'oc.

1 Cr 11:5

'ix yaln eb' 'ixtc 'a David: Ach tic, ¿tom 'oj stac' oxt 'a tic a nani? xchi eb'. Palta 'ix 'ajx ganar Sión yuj David, yuj cha, 'ix 'ajx can sb'ic Schon̈b' David.

1 Cr 11:7

Xlajw cha, 'ix can David 'a scuartel 'a Sión, yuj pax cha, xya'n eb' sb'ic can Schon̈b' David.

1 Cr 18:15

A Joab yune 'ix Sarvia, a yajl yaj 'a eb' soldado, ax Josafat yunnal Ahilud, 'ajtz'ib' yaj 'a win rey.

1 Cr 27:34

A yic 'ix cham Ahitofel cha, ax Joiada yunnal Benaía 'ix 'ochcn sjeloc yet' pax Abiatar. Ax Joab comandante yaj 'a yib'n̈ eb' soldado win rey.

Salmos 60:9

¿Mach wal 'oj qui'n 'at 'a jun chon̈b' oyn 'och smuroal? ¿Mach 'oj qui'n 'at 'a Edom?

A Ch'an̈ B'ab'el Libro Samuel 17:25

'Ix laj yal-lanc eb' israel junjn 'a 'ixtic: 'In tzquilc win x'elt 'a scal eb' filisteo cha, tzcot win b'uchwjoc 'a 'ayn̈ israel on̈ec tic. 'Ix yal win rey to a mach tz'a'n ganar smiln cham win Goliat cha, 'oj yac' win rey chi nan̈loc sricoal 'a winac. Tzya'n pax win jun 'ix yisl yistloc winac. Ax eb' yican man̈x 'oj yac' eb' stojlb'al, xchi eb'.