1 Cr 11:5 - Chuj San Sebastian Bible

⁵ 'ix yaln eb' 'ixtc 'a David: Ach tic, ¿tom 'oj stac' oxt 'a tic a nani? xchi eb'. Palta 'ix 'ajx ganar Sión yuj David, yuj cha, 'ix 'ajx can sb'ic Schon̈b' David.

Chuj San Mateo Bible

⁵ Ix yalan eb' jebuseo chi' d'a vin̈ icha tic: A ach tic, man̈ ol yal-laj ochta d'a tic, xchi eb' d'a vin̈. Palta ix ac'ji ganar scuartel eb' d'a tzalan Sion chi' yuj vin̈, yuj chi' ix scuchcan schon̈ab' vin̈aj David.

1 Cr 11:5 ပူးပေါင်းရင်းမြစ်များ

A Ch'an̈ Schab'l Libro Samuel 5:9

Xlajw cha, sb'on chan̈ David jun smuroal sdespacho masnto tzc'och 'a 'aj 'ay cuartel cha, xya'n scuch Schon̈b' David. Sb'on chan̈ jun tzo'n̈ n̈a 'a spatquil, x'eln̈j yich 'a 'aj lan̈b'il jun tzo'n̈ ch'oltac masnto xc'och 'a sdespacho eb' rey.

A Ch'an̈ Schab'l Libro Samuel 6:10

Yujto man̈x 'ic snib'j David xyij cot te scaxail strato Jehová chi 'a yol chon̈ab', yuj cha, xya'n David 'ijxoc can 'at te 'a yatut Obed-edom, win 'aj Gat.

A Ch'an̈ Schab'l Libro Samuel 6:12

Ax yic 'ix alx yab' rey David chajtlto yujn̈ej wal te scaxail strato Dios cha, yuj cha, tzya'n Jehová syaxilal 'a yib'n̈ Obed-edom yet' 'a yib'n̈ smasnil tas 'ay 'a 'a, yuj cha, x'at yi'nc pax David chi te caxa chi 'a yatut win Obed-edom cha. Yet' wal tzaljc'ojlal xyi'n cot David chi te 'a yol schon̈ab'.

A Ch'an̈ B'ab'el Libro Yic Yab'ixal Eb' Rey 8:1

Xlajw cha, xya'n Salomón syam sb'a smasnil eb' yichm wincal chon̈b' Jerusalén, smasnil eb' yajl yaj 'a junjn 'in̈tal, yet' eb' yajl yaj 'a junjn macn̈ eb' israel, yic tz'at yi'nc cot eb' te scaxail strato Jehová 'a Schon̈b' David, atn pax jun tzcuch Sión.

1 Cr 11:4

Xlajw cha, 'ix 'at David yet' eb' yit israelal 'a Jerusalén, atn pax tzcuch Jebús. A eb' jebuseo cajn 'a jun lugar cha,

1 Cr 11:6

A David cha, yaljnacx 'ixtic: A mach 'oj b'ab'l milnc cham junc eb' jebuseo tic, a 'oj wa'ch syajlilc eb' soldado, xchi. Ax x'aji, a mach xb'ab'lji, atn Joab yune 'ix Sarvia, yuj cha, a x'och syajlilc eb' soldado.

1 Cr 11:7

Xlajw cha, 'ix can David 'a scuartel 'a Sión, yuj pax cha, xya'n eb' sb'ic can Schon̈b' David.

2 Cr 5:2

Xlajw cha, 'a yic sc'ul q'uin̈ yic yucl 'uj 'a jun ab'il cha, xya'n Salomón syam sb'a smasnil eb' yichm wincal chon̈b' Israel 'a Jerusalén, atn smasnil eb' yajl yaj 'a scal junjn 'in̈tal, yet' smasnil eb' niwn yel'ch 'a scal junjn macn̈ eb' israel cha. 'Ix syam sb'a eb' yic tz'ijx cot te scaxail strato Jehová 'a Sión, atn Schon̈b' David.

Salmos 122:5

A 'a jun chon̈b' tic 'ay yatutal b'eyc'ojlal, atn 'a tic 'oj b'eyc'ojlwoc eb' yin̈tl rey David 'a stojlal.

Salmos 132:13

An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Salmos 78:68

palta a 'a eb' yin̈tl Judá 'ix sic' 'elta. Si'n pax 'el lum tzaln Sión caw chamc'ojlb'il yu'uj

Salmos 87:2

Yel xo wal tzchamc'ojlej Jehová chon̈b' Sión 'a yib'n̈ jun tzo'n̈ xo schon̈b' eb' yin̈tl Jacob.

Salmos 87:5

'Ixtc wal 'oj 'aj yalx yuj chon̈b' Sión: A jun tic yet' junx chon̈b' cha, ata 'elncta eb' 'a Sión, 'oj schic eb'. Ax Dios yel xo wal niwn yel'chi, a 'oj wach' b'onc jun chon̈b' tic.

Salmos 9:11

B'itn coyc 'a Jehová, atn jun syajlil Sión. Calc 'el yab'xil 'a scal eb' chon̈b' to til wal tas sb'ojnac.

Ro 9:33

Yaljnac Dios yab'xil Cristo 'a Ch'an̈ U'un̈, 'aj alb'il can 'ixtic: A 'a chon̈b' Sión, ata 'oj wa'cn 'och jun mach 'icha junc q'uen q'uen 'aj tztench eb' yoc, tztelw eb' yu'uj, 'ixta 'oj 'aj 'a sat eb'. Palta a eb' 'oj ya'ch sc'ojl 'a 'a, ma'oj somchjc 'el eb' yu'uj, xchi.

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Jueces 19:10

Ax jun levita cha, man̈x 'ic yal sc'ojl tzcan junc xo 'ac'wal. 'Ix cot win yet' 'ix 'ix cha, win schecab' yet' chawn̈ no b'uru 'aych xila tz'um 'a 'a. A yic xjaw eb' 'a yojltac 'at Jebús, atn Jerusalén, wan xo s'at c'u.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.