1 Cr 11:3 - Chuj San Sebastian Bible

³ Ax smasnil eb' 'ichmtac winac, 'ix 'at eb' paxtinc yet' rey David 'a Hebrón, 'ix sb'on jun strato yet' eb' 'a yojltac Jehová. 'Ixta 'ix yutj eb' ya'n can 'och David 'a yopiso, yic tz'och sreyloc eb', 'icha yutjnac Samuel yaln yuj Jehová.

Chuj San Mateo Bible

³ Ayic ix c'och eb' yichamtac vinaquil chon̈ab' Israel lolonel yed' vin̈ d'a Hebrón chi', ix sb'oan jun strato vin̈ yed' eb' d'a yichan̈ Jehová. Ata' ix ac'jiq'ue aceite d'a sjolom vin̈ yic tz'ochcan vin̈ sreyaloc Israel, icha val tas schecnac Jehová yal vin̈aj Samuel.

1 Cr 11:3 ပူးပေါင်းရင်းမြစ်များ

A Ch'an̈ Schab'l Libro Samuel 2:4

Xlajw cha, 'ix jaw ewin yin̈tl Judá 'a David, 'ix ya'n can 'och eb' David chi sreyloc. Ax yic xyab'n David chajtlto a eb' 'aj Jabes 'a yol yic Galaad, a eb' mucjnac Saúl,

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ Schab'l Libro Samuel 5:5

Nan̈l swajxquil ab'il ya'jnac reyl 'a chon̈b' Hebrón 'a yib'n̈ eb' yin̈tl Judá, ax 'a Jerusalén, 33 ab'il ya'jnac reyl 'a yib'n̈ smasnil chon̈b' Israel yet' 'a Judá.

A Ch'an̈ Schab'il Libro Yic Yab'ixal Eb' Rey 11:17

Xlajw cha, 'ix yaln Joiada to tzb'o win rey yet' eb' chon̈b' junc strato yet' Jehová to tzya'cn 'och sb'a eb' schon̈b'oc. 'Ix yaln paxi to 'ay cab' junc strato win rey chi tzb'ocn yet' eb' chon̈ab'.

A Ch'an̈ Schab'il Libro Yic Yab'ixal Eb' Rey 23:30

Ax eb' schecb' ajun yet'oc, a eb' 'ix 'a'n 'och sniwnal 'a yol caruaje, 'ix 'el 'a Meguido masnto xjaw eb' 'a Jerusalén. Ata 'ix mucx 'a yol yet'l 'aj xmucxi. Xlajw cha, ax smasnil eb' chon̈b' cha, 'ix ya'ch eb' Joacaz win yunnal Josías reyl sjelc smam cha.

1 Cr 11:10

Atn jun tzo'n̈ eb' soldado David niwn yel'ch tic, to 'ix 'och eb' yet' eb' yit israelal yic xya'n 'och eb' David reyl 'a yib'n̈ smacb'en chon̈b' Israel, 'ix yiptzan pax eb' 'a sreyal, 'icha wal 'ix yutj Jehová yalni.

2 Cr 23:3

A smasnil eb' syam sb'a cha, sb'o eb' jun strato yet' win rey 'a yatut Dios. 'Ix yaln Joiada 'ixtc 'a eb': 'Iltec, yaj win yunnal can win rey chamnac, atn win tic yowlal tz'och reyal, 'icha yutjnac Jehová ya'n can sti yuj eb' yin̈tl David.

Jueces 11:11

Yuj cha, 'ix 'at Jefté yet' eb', ax eb' chon̈b' cha, 'ix ya'ch eb' win Jefté chi syajliloc. Ax 'a Mizpa cha, ata 'ix scha alj pax Jefté jun tzo'n̈ spaxti chi 'a yojltac Jehová, atn jun tzo'n̈ xyal 'a eb' 'aj Galaad chi 'a yic b'ab'el.

A Ch'an̈ B'ab'el Libro Samuel 11:15

Yuj cha, 'ix 'at smasnil eb' 'anma chi 'a Gilgal cha, 'ix syamn sb'a smasnil eb' 'anma 'a yojltac Jehová ta'. 'Ix swach' 'a'n can 'och eb' yopiso Saúl yochcn reyal. Xlajw cha, xya'n tz'a eb' no xajmb'al yic junc'ojlal 'a yojltac Jehová, ax Saúl yet' smasnil eb' chon̈ab', caw 'ix tzalj eb'.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Ch'an̈ B'ab'el Libro Samuel 16:3

Tzlajw cha, tzawtn Isaí yet' eb' yunnal wul schi no xajmb'al chi et'oc. An xo 'oj wal 'ayach tas 'oj a b'o'. A junc mach 'oj in ch'ox 'ayach, a tzac' q'ue aceite 'a sjolom, yic tza si'n can 'och reyal, xchi Dios.

A Ch'an̈ B'ab'el Libro Samuel 23:18

'Ix sb'o eb' jun strato xchawn̈il 'a yojltac Jehová. Xlajw cha, 'ix meltzj Jonatán 'a yatut, ax David 'ix canx can 'a Hores.

A Ch'an̈ B'ab'el Libro Samuel 28:17

Wan yel'ch tas 'ix yac' wal 'ayach. Yujto tox 'ix yij 'ec' opiso 'a yol a c'ab', ax 'a yol sc'ab' David, win junn̈j 'e'nc ach yet'oc, ata 'oj canoc.