1 Cr 11:10 - Chuj San Sebastian Bible

¹⁰ Atn jun tzo'n̈ eb' soldado David niwn yel'ch tic, to 'ix 'och eb' yet' eb' yit israelal yic xya'n 'och eb' David reyl 'a yib'n̈ smacb'en chon̈b' Israel, 'ix yiptzan pax eb' 'a sreyal, 'icha wal 'ix yutj Jehová yalni.

Chuj San Mateo Bible

¹⁰ A eb' vin̈ soldado vin̈aj rey David te b'inajnac, ix och eb' vin̈ yed' masanil eb' yetisraelal ayic ix yac'anoch vin̈aj David chi' eb' reyal d'a yol smacb'en Israel smasanil. Ix te och val eb' vin̈ yed' vin̈ yic syac'an reyal vin̈ icha val ix aj yalan Jehová.

1 Cr 11:10 ပူးပေါင်းရင်းမြစ်များ

A Ch'an̈ Schab'l Libro Samuel 3:21

'Ix yaln Abner 'a David 'ixtic: —A ticnec mamin rey, yowlal tzin 'ati yic tz'at in molb'tzanc smasnil eb' quit chon̈b'ec yic tzb'on eb' junc strato et'oc, sec 'ixta wal 'oj otc a'n reyl 'a 'icha wal tznib'j a c'ojol, xchi. —'Ixc 'an, xchi David cha. Xlajw cha, xyaln can sb'a Abner 'a David, 'ix 'at 'a tzaljc'ojlal.

1 Cr 11:3

Ax smasnil eb' 'ichmtac winac, 'ix 'at eb' paxtinc yet' rey David 'a Hebrón, 'ix sb'on jun strato yet' eb' 'a yojltac Jehová. 'Ixta 'ix yutj eb' ya'n can 'och David 'a yopiso, yic tz'och sreyloc eb', 'icha yutjnac Samuel yaln yuj Jehová.

1 Cr 12:21

A eb' tic caw jeln eb' smasnil, 'ix 'och eb' capitan̈il 'a yib'n̈ eb' soldado David. 'Ix colwj eb' yet' David cha, yic xya'n owl yet' nan̈l eb' soldado 'elc'um.

1 Cr 12:23

Atn slistail jun tzo'n̈ eb' syajlil eb' soldado tic caw jeln 'a owal. 'Ix jaw eb' wul ya'ch sb'a yet' David 'a Hebrón, yic tz'ajx 'och reyl sjelc Saúl, a tzyal 'ixta yaln can Jehová:

1 Cr 12:24

A 'a eb' yin̈tl Judá 'ay 6,800 winc 'et'jnac tzmacn sat jul-lab', yet' pax eb' slanza, caw lista yaj eb' s'at 'a owal.

1 Cr 12:38

A smasnil jun tzo'n̈ eb' soldado tic, caw xya'ch eb' sc'ojl s'at 'a owal. Yuj cha, stzol-l x'aj eb' s'at 'a Hebrón. Wal 'a smasnil sc'ojl eb', x'at eb' yic tz'at ya'nc 'och eb' David reyl 'a yib'n̈ smasnil eb' israel. An̈jtona jun tzo'n̈ xo eb' yit israelal eb', junn̈j yaj snab'en eb' yic' 'ix 'och David reyal.

1 Cr 12:39

'Oxe c'u 'ix can eb' yet' David chi ta'. 'Ix wa eb', xyu'j eb' tas xyuq'uej, yujto a eb' yit chon̈b' eb', sb'o eb' janctcn̈ej tas 'ix c'uxx cha.

1 Cr 27:1

A jun tic, slistail eb' sat yajl yaj 'a yib'n̈ eb' yican. Yajl yaj eb' 'a yib'n̈ eb' syajlil mil soldado, 'a yib'n̈ eb' syajlil jun ciente soldado, atn eb' ya'mal servil win rey, yic tzyiln eb' junjn macn̈ eb' soldado tz'och yilmalc win rey 'a junjn 'uj. Macquiltac yoch eb' 'a yol junjn ab'il. A 'a junjn macan̈ 'ay 24 mil winac.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.