1 Cr 11:1 - Chuj San Sebastian Bible

¹ Xlajw cha, 'ix syamn sb'a smasnil eb' israel, 'ix 'at eb' paxtinc yet' David 'a Hebrón. 'Ix yaln eb' 'a 'ixtic: An̈ tic on̈, 'in junn̈j qui mam 'ichm et'oc.

Chuj San Mateo Bible

¹ Ix smolb'ej sb'a masanil eb' israel, ix b'at lolon eb' yed' vin̈aj David d'a Hebrón. Ix yalan eb' d'a vin̈ icha tic: A on̈ tic, junn̈ej co mam quicham ed'oc.

1 Cr 11:1 ပူးပေါင်းရင်းမြစ်များ

Gn 29:14

Xyaln Labán 'a 'ixtic: Wal yel caw wal junn̈j to quin̈tl et'oc, xchi 'a winac. Yuj cha, xcancn Jacob yet' Labán jun 'ujal.

A Ch'an̈ Schab'l Libro Samuel 15:10

Ax yic xc'och win 'a jun chon̈b' cha, 'ix 'at ya'nc alxoc 'a junjn 'in̈tal eb' yin̈tl Israel, to a yic tzyab'n eb' yoc' no cacha, tzyaln cab' eb', to tox x'och Absalón reyl 'a chon̈b' Hebrón.

A Ch'an̈ Schab'l Libro Samuel 2:1

Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.

A Ch'an̈ B'ab'el Libro Yic Yab'ixal Eb' Rey 2:11

Chawinc ab'il 'ix yac' reyl 'a yib'n̈ chon̈b' Israel, uque ab'il 'ix yac' reyl 'a Hebrón, ax 33 ab'il 'ix yac' reyl 'a Jerusalén.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Ef 5:30

yujto 'icha to caw sniwnal cajec.

Dt 17:15

A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.

Jueces 9:2

—Yujto wican to in b'a eyet'oc, yuj cha, tzin tew 'och wal 'ayex, to tze montj eb' 'aj Siquem tic smasnil, tze c'anb'n 'a eb' 'ixtic: ¿Tom wach' tzeyab'i to smasnil eb' 70 yunnal Gedeón 'oj yac' eb' yajlil 'a quib'n̈ec, mto wach' to cojn junc win tz'och qui yajliloc? xe chi 'a eb'. Ax xo tic, tze na cot nab'an to caw junn̈j to win̈tl eyet'oc, xchi 'a eb'.