1 Cr 10:8 - Chuj San Sebastian Bible

⁸ Ax 'a junx c'u, 'ix 'at eb' filisteo, spojn 'ec' eb' tastc 'ay 'a eb' xcham cha. 'Ix 'ilchj Saúl yuj eb' yet' eb' yunnal, t'ocn 'ec' eb' 'a lum jolm witz Gilboa, chamnc xo eb'.

Chuj San Mateo Bible

⁸ Axo d'a junxo c'u, ix b'at eb' filisteo chi' spojec' tastac ay d'a eb' ix cham chi'. Ix yilan eb' to a vin̈aj Saúl yed' eb' vin̈ yuninal chamnacxo eb' vin̈, teljab'can snivanil eb' vin̈ d'a lum vitzal Gilboa.

1 Cr 10:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 3:23

Yuj cha, 'ix yaln eb' 'ixtic: A jun cha, coyn to chic'. Toplaj a eb' rey smil cham sb'a yet' eb' soldado. Coyec, 'at qui'c can smasnil tas xcan yuj eb', xchi eb'.

1 Cr 10:7

Ax yic 'ix yiln smasnil eb' israel cajn 'a jun pan̈n 'a'lic cha, chajtlto tox 'ix 'at eb' yit israelal eb' chi 'eloc, tox xcham pax Saúl yet' 'oxwn̈ yunnal, yuj cha, 'ix yactn can eb' schon̈ab', x'at eb' 'elc jun xo. Xlajw cha, ax eb' filisteo xc'ochcn cajn 'a schon̈b' eb' cha.

1 Cr 10:9

Yajn̈j wal cha, 'ix yi'n 'el eb' spichl Saúl, 'ix yi'n 'el eb' sjolom, xyi'n 'at eb' yet' syamc'ab' yic owal. Yuj cha, schecn 'at eb' schecab' yic tz'at alxc yab' smasnil 'anma 'a yol smacb'en eb', yet' 'a jun tzo'n̈ sdiosal eb'.

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

A Ch'an̈ B'ab'el Libro Samuel 31:8

Ax 'a junx c'u, 'ix 'at eb' filisteo chi 'at yi'c tastc 'a eb' israel 'ix chamcn 'a owl cha. Ax xyiln eb' t'ocn 'ec' Saúl yet' 'oxwn̈ eb' yunnal xcham 'a lum witz tzcuch Gilboa.

A Ch'an̈ B'ab'el Libro Samuel 5:2

Xlajw cha, xyi'n 'och eb' 'a yol yatutal jun comn dios tzcuch Dagón, ax wal 'a stz'ey jun comn dios cha, ata 'ix 'at ya'cn 'och eb' te'.