1 Cr 10:13 - Chuj San Sebastian Bible

^13-14 'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

Chuj San Mateo Bible

¹³ Icha chi' ix aj scham vin̈aj Saúl yuj chucal ix sc'ulej, yujto maj sc'anab'ajej schecnab'il Jehová vin̈, yujto ix sc'anb'ej pax sb'a vin̈ d'a jun ix sc'uman spixan eb' chamnac, man̈oc d'a Jehová ix sc'anb'ej sb'a vin̈.

1 Cr 10:13 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 21:6

Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Ex 22:18

Smasnil eb' 'ix b'alum, yowlal tzcham eb' 'ix.

Pr 2:22

Ax eb' tu sb'eyb'al, yet' eb' 'ixtm 'anma', 'oj 'ijxoc 'el eb' 'a sat lum lum tic, 'icha tzyac' junc te te tzto'x q'ueta.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

Lv 19:31

Man̈ e c'anb'c e b'a 'a eb' tzyal jelnal sb'a, mto 'a eb' 'ajchum, sec wach' matz ex juw 'el yuj eb'.

Lv 20:6

Toto 'ay mach tz'at sc'anb'c sb'a 'a eb' 'ajchum mto 'a eb' tzyal to tzc'umj spixn eb' chamnc 'anma', tzyiclni tas tzyal eb', an xo 'oj wac' yowlal 'a 'a, ax in satn 'el 'a scal yit chon̈ab'.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.

A Ch'an̈ B'ab'el Libro Samuel 15:2

'Ixtc wal yaln Jehová tztac' yuj smasnil: 'Oj in satl eb' amalecita yujto xmacx eb' in chon̈b' yuj eb' 'a yol b'e yic yelt eb' 'a Egipto.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.